Aqmola oblysynda moped mingender jaiaý júrginshini qaǵyp ketti. Túrli dene jaraqatymen úsh jasóspirim aýrýhanaǵa jatqyzyldy, dep habarlaidy "Ult aqparat" oblystyq Politsiia departamentiniń baspasóz qyzmetine silteme jasap.
Vedomstvonyń málimetinshe, jol-kólik oqiǵasy Ereimentaý aýdanynyń Siletti aýylynda bolǵan. Bul týraly mamyrdyń 21-de saǵat 22:53 Ereimentaý aýdandyq PB kezekshilik bólimine Siletti aýyldyq okrýginiń ákimi habarlady.
«Mamyrdyń 19-y kúni saǵat 22:10-da Gagarin kóshesimen kele jatqan 17 jastaǵy júrgizýshi «Hummer» mopediniń rýline ie bola almai kámelettik jasqa tolmaǵan jaiaý júrginshini qaǵyp ketken. Sonyń saldarynan júrgizýshi, onyń qasyndaǵy jolaýshysy men jaiaý júrginshi túrli dene jaraqatymen aýrýhanaǵa tústi. Sondai-aq, kólik júrgizýshiniń kýáligi men kóliktiń qujaty bolmaǵan», - dedi vedomstvodan.
Qazirgi kezde, osy oqiǵa bailanysty QR QK 345-baptyń 2-bóligi «Kólik quraldaryn basqaratyn adamdardyń jol júrisi nemese kólik quraldaryn paidalaný qaǵidalaryn buzýy» boiynsha sotqa deiingi is júrgizýdi bastady. Tergeý sharalary odan ári jalǵasýda.
