Foto: Politsiia departamenti
Qyzmettik mindetin oryndaý kezinde patrýldik politsiia inspektoryn kólik qaǵyp qaza boldy, dep habarlaidy Ult.kz Aqmola oblysynyń Politsiia departamentine silteme jasap.
Politsiia departamentiniń basshylyǵy qaza bolǵan qyzmetkerdiń týystary men jaqyndaryna qaiǵyra kóńil aityp, jan-jaqty qoldaý kórsetip otyrǵanyn jetkizdi. Qazirgi tańda tergeý organdary oqiǵa boiynsha qyzmettik tergeý júrgizip jatyr.
Qaiǵyly jaǵdai 2025 jylǵy 7 jeltoqsanda Astana–Ereimentaý-Shiderti avtojolynda oryn alǵan. Aldyn ala málimet boiynsha, Toyota Camry avtokóliginiń júrgizýshisi rýldi basqara almai, patrýldik politsiia inspektoryn qaǵyp ketken. Inspektor jol qaýipsizdigin qamtamasyz etip, júrgizýshilerdi eskertip, jyldamdyqty tómendetý jáne joldyń tarylýy týraly signal bergen.
Politsiia departamenti oqiǵanyń barlyq mán-jaiy muqiiat jáne obektivti túrde tergeletinin atap ótti.
