Búgin saǵat 09:25-tegi málimet boiynsha, Aqmola oblysynda bir adam koronavirýs juqtyrǵan.
«Zerthanalyq zertteý barysynda Tselinograd aýdanynda 1979 jylǵy áiel adamnyń koronavirýsty juqtyrǵany anyqtaldy. Ol ózine deiin virýsty juqtyrǵan adammen bailanysta bolǵan. Tizbek boiynsha virýs Nur-Sultan qalasynda ónerkásiptik kásiporynda jumys isteitin adamnan taraǵan. Osyǵan deiin provizorlyq statsionarda jatqan, endi Aqmola oblystyq týberkýlezge qarsy dispanserinde emdeletin bolady», - delingen Tótenshe jaǵdai rejimin qamtamasyz etý jónindegiMemlekettik komissiianyń jedel shtaby taratqan aqparatta.
Sondai-au onda bekitilgen sanitarlyq-epidemiologiialyq tergeý boiynsha aýrý oshaqtary men bailanys ornatqan adamdarǵa qatysty epidemiiaǵa qarsy sharalar júrgiziletini aitylǵan.
Virýsty juqtyrýy yqtimal adamdardy anyqtaý úshin tergeý jumystary jalǵasady. Oblystyq statsionarlarda 395 naýqas jatyr, onyń ishinde provizorlyq statsionarda – 30, karantindik statsionarda – 348, juqpaly aýrýlar statsionarynda – 17.
«564 adam úi karantini talaptaryn saqtap otyr. Qazirgi tańda oblysta virýsty juqtyrǵan 110 adam tirkelgen, olardyń 97-si Tselinograd aýdanynda, qalǵandary Kókshetaý qalasy, Arshaly, Shortandy, Egindikól jáne Aqkól aýdandarynda tirkelgen. Jazylyp shyqqandar sany – 90», - delingen habarlamada.
