بٷگٸن ساعات 09:25-تەگٸ مەلٸمەت بويىنشا, اقمولا وبلىسىندا بٸر ادام كوروناۆيرۋس جۇقتىرعان.
«زەرتحانالىق زەرتتەۋ بارىسىندا تسەلينوگراد اۋدانىندا 1979 جىلعى ەيەل ادامنىڭ كوروناۆيرۋستى جۇقتىرعانى انىقتالدى. ول ٶزٸنە دەيٸن ۆيرۋستى جۇقتىرعان اداممەن بايلانىستا بولعان. تٸزبەك بويىنشا ۆيرۋس نۇر-سۇلتان قالاسىندا ٶنەركەسٸپتٸك كەسٸپورىندا جۇمىس ٸستەيتٸن ادامنان تاراعان. وسىعان دەيٸن پروۆيزورلىق ستاتسيوناردا جاتقان, ەندٸ اقمولا وبلىستىق تۋبەركۋلەزگە قارسى ديسپانسەرٸندە ەمدەلەتٸن بولادى», - دەلٸنگەن تٶتەنشە جاعداي رەجيمٸن قامتاماسىز ەتۋ جٶنٸندەگٸمەملەكەتتٸك كوميسسييانىڭ جەدەل شتابى تاراتقان اقپاراتتا.
سونداي-اۇ وندا بەكٸتٸلگەن سانيتارلىق-ەپيدەميولوگييالىق تەرگەۋ بويىنشا اۋرۋ وشاقتارى مەن بايلانىس ورناتقان ادامدارعا قاتىستى ەپيدەميياعا قارسى شارالار جٷرگٸزٸلەتٸنٸ ايتىلعان.
ۆيرۋستى جۇقتىرۋى ىقتيمال ادامداردى انىقتاۋ ٷشٸن تەرگەۋ جۇمىستارى جالعاسادى. وبلىستىق ستاتسيونارلاردا 395 ناۋقاس جاتىر, ونىڭ ٸشٸندە پروۆيزورلىق ستاتسيوناردا – 30, كارانتيندٸك ستاتسيوناردا – 348, جۇقپالى اۋرۋلار ستاتسيونارىندا – 17.
«564 ادام ٷي كارانتينٸ تالاپتارىن ساقتاپ وتىر. قازٸرگٸ تاڭدا وبلىستا ۆيرۋستى جۇقتىرعان 110 ادام تٸركەلگەن, ولاردىڭ 97-سٸ تسەلينوگراد اۋدانىندا, قالعاندارى كٶكشەتاۋ قالاسى, ارشالى, شورتاندى, ەگٸندٸكٶل جەنە اقكٶل اۋداندارىندا تٸركەلگەن. جازىلىپ شىققاندار سانى – 90», - دەلٸنگەن حابارلامادا.
