22 qazan kúni Shoqan Ýálihanov atyndaǵy Kókshetaý memlekettik ýniversitetinde Aqmola oblysy Ishki saiasat basqarmasynyń «Uly dalanyń jeti qyry» maqalasy boiynsha is-sharalar uiymdastyrý» memlekettik áleýmettik tapsyrysy aiasynda «Shańyraq» qoǵamdyq birlestiginiń uiymdastyrýymen «Qazaq Dalasy - Uly túrki eliniń qara shańyraǵy» atty ǵylymi-praktikalyq konferentsiiasy ótti.
Is-sharanyń maqsaty - uly dalanyń tarihyna, salt-dástúrine, tiline jáne bilimine degen qyzyǵýshylyqty arttyrý, «Uly dalanyń jeti qyry» maqalasyndaǵy «Qazaqstan - túrki áleminiń besigi» atty tarmaǵynyń taqyrybyn tereń ashý, túsiný, nasitattaý.
Konferentsiiaǵa 270 adam qatysty. Olardyń qatarynda tarihshylar, aǵartýshylar, qoǵam qairatkerleri, memlekettik qyzmetkerler, úkimettik emes uiym jáne BAQ ókilderi boldy.
Moderator Sh.Ýálihanov atyndaǵy Kókshetaý memlekettik ýniversitetiniń rektory, ekonomika ǵylymdarynyń kandidaty Syrlybaev Marat Qadyruly boldy. Ǵylymi-praktikalyq konferentsiianyń spikerleri: Ybyraev Shákir Ybyraiuly - Halyqaralyq qatynastar fakýlteti, túrkologiia kafedrasynyń professory, L.N.Gýmilev atyndaǵy Eýraziia ulttyq ýniversiteti., Filologiia ǵylymdarynyń doktory, Zaibert Viktor Fedorovich - Ál-Farabi atyndaǵy Qazaq ulttyq ýniversitetiniń professory, tarih ǵylymdarynyń doktory, Shalabai Berdibai - filologiia ǵylymdarynyń doktory, Sh.Ýálihanov atyndaǵy Kókshetaý memlekettik ýniversitetiniń qazaq filologiia kafedrasynyń professory, Abýev Qadyrjan Qabidenuly - tarih ǵylymdarynyń doktory, kafedra professory, Sh.Ýálihanov atyndaǵy Kókshetaý memlekettik ýniversitetiniń tarih jáne «Rýhani Jańǵyrý» kafedrasyndaǵy tarih jáne áleýmettik ǵylymdar akademiiasynyń akademigi.
Elbasy Nursultan Ábishuly Nazarbaevtyń «Uly dalanyń jeti qyry» atty maqalasy jariialanǵannan beri túrki álemin zertteý qazaq memlekettiliginiń qalyptasý kezeńi retinde ǵana emes, sonymen birge, ulttyń rýhani áleýetin qalyptastyrýdyń, mádeniettiń jáne ulttyq ideologiianyń odan ári damýynyń qainar kózi retinde erekshe mánge ie boldy.
Aqmola oblysy ákiminiń atynan quttyqtaý sózinde «Búgingi konferentsiia - túrkitaný salasyndaǵy bilimdi júieleý jáne jańartý boiynsha ýaqtyly jáne mańyzy zor bastama», - dedi Aqmola oblysy Ishki saiasat basqarmasynyń orynbasary Kenjebaev Sabyrhan Meiirhanuly.
Búgingi tańda óńirde «Uly dalanyń jeti qyry» maqalasy is júzinde júzege asyp jatyr. Atap aitsaq, «Qazynaly qazba – ult qundylyǵy» jobasy aiasynda arheologiia boiynsha belsendi zertteýler, ólketaný boiynsha mańyzdy jumystar, jazýshylarǵa, ólketanýshylarǵa kitaptar men eńbekterdiń jaryq kórýine qoldaý kórsetilgen bolatyn. Tarihshylardyń bastamasymen memlekettiligimizdiń qalyptasýy men damýyna úles qosqan tarihi tulǵalar týraly beinerolikterdiń jasaldy. «Ǵasyrlar amanaty» kórmesi men kórme jobasynyń júzege asyrylý jumystary (Aqmola oblysynyń aýdandarynda tarihi-ólketaný materialdary qorynan kórme uiymdastyrý) qyzý júrip jatyr.
«Botai – Býrabai» arheologiialyq jáne etnografiialyq ashyq aspan astyndaǵy murajai jobasy halyq arasynda tanymal bolýymen qatar, ǵylymi qoǵamdastyqta oń baǵasyn aldy.
Sondai-aq, ǵylymi-praktikalyq konferentsiia aiasynda tarihshylar men filologtarǵa arnalǵan sektsiialyq jumystar júrgizildi.
Jalpy, Qazaqstan tarihyn zertteý jáne elimizdiń mádeni murasyn keńinen nasihattaý mańyzdy jumys ekenin atap ótken jón.
