Aqmola oblysynda iz-túzsiz joǵalǵan 17 jastaǵy jasóspirim tabyldy, dep habarlaidy "Ult aqparat" oblystyq PD baspasóz qyzmetine silteme jasap.
Vedomstvonyń málimeti boiynsha, biylǵy jylǵy qańtardyń 8-de Kókshetaý qalalyq PB kezekshilik bólimine Bulandy aýdanynyń 41 jastaǵy turǵyny habarlasyp, 17 jastaǵy stýdent balasynyń kanikýl kezinde, iaǵni 4-shi qańtar kúni úiinen ketip qalǵanyn aitqan. Jasóspirimniń uialy telefony óshirýli bolǵan.
«Jasóspirimniń joǵalǵandyǵy týraly aryz tórt kún ótken soń tústi. Ata-anasy balasynyń úige qaityp keledi dep kútken. Bastapqyda týǵandary men tanystarynan surap ózderi izdedi, odan nátije shyqpaǵan soń keiin politsiiaǵa habarlasty. Izdestirý sharalaryna Kókshetaý qalalyq PB jeke quramy tartyldy, onyń ishinde ýchaskelik inspektorlar da bar», deidi vedomstvodan.
Sol kúni, iaǵni qańtardyń 8-de jasóspirimniń oblys ortalyǵynda júrgeni anyqtaldy.
Tártip saqshylarynyń sózinshe, jasóspirim jumysqa ornalasyp úlgergen. Iývenaldy politsiia qyzmetkerleri jasóspirimmen profilaktikalyq áńgime ótkizip, esepke qoidy.
