Videodan alynǵan kadr
Áleýmettik jelilerde Aqmola oblysyndaǵy internatta balalar jábir kórip jatqany túsirilgen video tarady. Aimaq politsiiasy oqiǵaǵa túsinik berdi, - dep habarlaidy Tengrinews.kz tilshisi.
Kadrlardan eki balany boiy uzyndaý uldar uryp jatqanyn kórýge bolady. Onda beiádep sózder de aitylady. Balalardyń biri oqiǵany videoǵa túsirip tur.
Aqmola oblysy Politsiia departamentiniń baspasóz qyzmeti málimetinshe, oqiǵa 21 qazanda Stepnogorsk mektep-internatynda bolǵan.
QK-niń 141-baby 1-bóligi "Balalardyń ómiri men densaýlyǵynyń qaýipsizdigin qamtamasyz etý jónindegi mindetterdi tiisinshe oryndamaý" jáne QK-niń 194-baby 2-bóligi "Bopsalaý" boiynsha sotaldy tergeý bastaldy.
"Aldyn ala málimet boiynsha, 2021 jyldyń 21 qazanynda oblystyq mamandandyrylǵan sporttaǵy daryndy balalarǵa arnalǵan mektep-internatynyń 8-synyp oqýshylarynyń úsheýi 7-synyp oqýshysyn jeke kelispeýshilikterine bailanysty jaralaǵan jáne ony telefonǵa túsirgen. Qazirgi ýaqytta sot-meditsinalyq saraptama taǵaiyndaldy, tergeý júrip jatyr", - dedi politsiia ókilderi.
Nazar aýdaryńyz! Ádepsiz sózder aitylady
