Aqmola politseileri izin sýytpai Aqmola tirek pýnktiniń "Ohotzooprom" RMQK Ortalyq aimaqtyq filialynyń inspektorlaryna shabýyl jasaǵan kúdiktilerdi quryqtady, - dep habarlaidy "Ult aqparat" Aqmola oblysy Politsiia departamentiniń baspasóz qyzmetine silteme jasap.
Kúdiktiler ákesi men uly bolyp shyqty. Olar Arqalyq qalasynda turady.
"45 jastaǵy kúdikti men onyń 20 jastaǵy uly, ekeýi de Arqalyq qalasynyń turǵyny bolyp shyqty, politsiiadan jasyrynyp, avtokólikten qutylýǵa tyrysty, alaida, Aqmola jedel ýákilderiniń úilesimdi is-áreketteriniń arqasynda olar Qostanai oblysynyń aýmaǵynda ustaldy", - delingen habarlamada.
Eske sala keteiik, 23 shilde kúni saǵat shamamen 11-de «Ohotzooprom «ÓB» RMQK Ortalyq óńirlik filialynyń inspektorlary Aqmola oblysy Jarqaiyń aýdanynda tabiǵatty qorǵaý zańnamasyn buzǵandardyń aldyn alý sharasyn júrgizgen jáne kiik atý faktisin anyqtaǵan. Zań buzýshylardyń izine túsken eki inspektorǵa qarsy oq atyldy. Keiin olardyń biri - 1976 jyly týǵan inspektor kóz jumdy. Al 1975 jyly dúniege kelgen áriptesi Jarqaiyń aýdandyq aýrhanasyna jatqyzylǵan edi.
«Osyǵan orai, dereý jedel-tergeý toby qurylyp, kúdiktilerdi ustaý boiynsha keshendi sharalar qolǵa alyndy. Kúdiktilerdi ustaýǵa Jarqaiyń, Esil jáne Jaqsy aýdandarynyń politsiia bóliminiń jeke quramy tartyldy. Patrýldik qyzmet nariadynan kúdiktilerdiń kóligine tuspaldaý berildi. Jarqaiyń jáne kórshi aýdandardyń aýmaǵynda 10 blok-beket qoiyldy», - delingen resmi aqparatta.
Atalmysh qylmysty ashý isin QR Ishki ister ministri jeke baqylaýyna alǵan bolatyn.
Fakti boiynsha QR QK-niń 99 baby, 1-bóligi boiynsha qylmystyq is qozǵaldy.
Memleket basshysy Qasym-Jomart Toqaev brakonerlerdiń qolynan qaza tapqan Qanysh Nurtazinovtyń otbasyna kóńil aityp, eger S.Ospanovtyń saýyǵyp ketýine tilektestik bildirdi.
