Aqmola oblysynda bir tún ishinde boranda jolda qalǵan 80 adam evakýatsiialanyp, jylytý oryndaryna jetkizildi, dep habarlaidy QazAqparat.
«Aýa raiynyń nasharlaýyna bailanysty 29-30 naýryz aralyǵynda óńirde respýblikalyq mańyzy bar 21 jáne oblystyq mańyzy bar 35 avtojolda kólik qozǵalysy toqtatyldy. Alaida, joldyń jabylýy týraly habarlamany elemei jolǵa shyqqan 80 adamdy qutqarýshylar jylytý oryndaryna zvakýatsiialady. Olardyń arasynda balalarda bar. Qutqarý jumystary Bulandy, Shortandy, Jaqsy, Esil, Arshaly, Astrahan, Tselinograd, Qorǵaljyn jáne Atbasar aýdandarynda júrgizildi«, - dedi Aqmola oblystyq TJD baspasóz qyzmetinen.
Sonymen qatar, ekpindi jel men borannan Qosshy qalasynda 5 qabatty eki turǵyn úidiń jáne Arshaly kentinde eki ákimshilik ǵimarattyń shatyryna zalal keldi. Qaza bolǵandar men zardap shekkender joq.
Osy rette, Aqmola oblysynyń TJD qyzmetkerleri óńir turǵyndaryna aýa raiynyń jaisyzdyǵyn eskertip, eldi mekenderden tys jerlerge shyqpaýdy suraidy. Joldardyń jabylýy týraly aqparatty «Dármen» qosymshasy arqyly nemese 1403 bailanys nómiri boiynsha bilýge bolady.
