Qazaqstan Respýblikasynyń Tuńǵysh Prezidenti N.Á.Nazarbaevtyń «Rýhani jańǵyrý» baǵdarlamasy aiasynda «Ainalaǵa qara» respýblikalyq shaǵyn jobasyn júzege asyrý maqsatynda «Bir apta aýylda» áleýmettik bastamalar seriiasy iske asyp jatyr.
«Rýhani jańǵyrý» baǵdarlamasy sheńberinde óskeleń urpaqtyń ózin-ózi damytý, adami qundylyqtar júiesin qurý jáne nyǵaitý, Qazaqstan halyqtarynyń salt-dástúrlerine qurmetpen qaraýǵa tárbieleý úshin praktikalyq daǵdylaryn qalyptastyrýǵa úlken kóńil bólindi. Alǵa qoiylǵan maqsattardy iske asyrý, sondai-aq Aqmola oblysynyń aýyldyq sektoryn damytý týraly oqýshylardyń túsinigin keńeitý úshin Aqmola oblysy bilim basqarmasynyń janyndaǵy oblystyq balalar men jasóspirimder týrizmi, ólketaný jáne ekologiia ortalyǵy 2017 jyldan bastap qala oqýshylary úshin «Bir apta aýylda» áleýmettik jobasyn ótkizýde.
Bul is-sharanyń maqsaty - qalada turatyn oqýshylardy aýyl ómirimen jáne turmysymen tanystyrý, ólkemizdiń tarihy men mádeni murasyn bilý, mal fermalaryna, egis alqaptaryna, sharýashylyqtaryna barý.
2017 jyly jeltoqsan aiynda Kókshetaý, Stepnogorsk, Shýchinsk jáne Atbasar qalalarynyń 50 oqýshysy úshin «Bir apta aýylda» jobasy uiymdastyryldy. Balalar joba aiasynda Býrabai aýdanynyń Kenesary aýylyndaǵy «Kenesary – Astyq» JShS-ne baryp, astyq jáne mai tuqymdarymen jáne saqtaý úrdisimen tanysty. Ósimdik mádenietine taldaý jasaityn zerthanany kórdi. Kenesary aýylyndaǵy «Esil-Agro» JShS-niń mal fermasyna baryp, Vengriiadan ákelingen sútti siyrlardyń túrimen tanysty. Ol sútter Kókshetaý qalalyq sút zaýytyna, Shýchinsk qalasyndaǵy «Aina» sút zaýytyna jáne Soltústik Qazaqstan oblysyna jiberiletinin bildi. Jylqy jáne túie ósirýmen ainalysatyn «Qumqosaq» sharýashylyǵyna baryp, at jáne arba ústinde júrip, qymyz ben shubat iship dámin tatty. Sondai-aq aýyl sharýashylyǵynyń tehnikasyn qurastyratyn Qazaqstan Agro Innovatsiialyq Korparatsiiasymen de tanysty.
Iri qara maldyń Vengriiadan ákelgen golshtin tuqymynyń 1500 basy bar «Esil Agro» mal fermasyna da bardy. Sharýashylyqtyń mamandary fermanyń qurylymy týraly, janýarlardyń ádetteri jaiynda, damý múmkindekteri týraly aityp berdi. Balalar áinekten saýý úrdisin, tájiribeli saýynshylardyń qalai saýý apparattarymen jumys isteitinin, sút qalai jinalatynyn, qurylǵylar qalai isteitinin baqylady. Joba aiasynda asa mańyzdy is-sharalardyń biri – kásibi baǵdarlaý. Sol sebepti balalar Shýchinsk qalasynyń týrizm jáne servis indýstriiasy kolledjine jáne joǵarǵy kolledjine bardy. Qatysýshylarymyz kolledjderde daiarlaityn mamandyqtar týraly, qabyldaý sharttary jaiynda tolyq aqparat aldy, kolledjdiń dárishanalaryn jáne zerthanalaryn kórdi, taqyryptyq stendtarda berilgen materialdardy oqydy.
Qatysýshylardyń saiahaty Qima aýylynan bastaldy. Aýylǵa kirer kezde aq jaýlyqty áje dástúrli shashý shashyp, jaqsy tilekterimen qarsy aldy. Dám tatqannan keiin, saiahat Qima aýylynyń murajaiyna jalǵasty. Ásirese balalardy aýyldyń paida bolý tarihy qyzyqtyrdy. Kóptegen ańyzdardyń birine sáikes, aýyl ataýy basqa aýylǵa turmysqa shyqqan qyz týǵan ólkeni úlken ókinishpen (qimastyqpen) tastap ketkeni aitylady. Sondai-aq balalar aýyl mektebimen tanysty. Internattyń janynda kiiz úi qoiylyp, úlken qazanda arnaiy qatysýshylar úshin baýyrsaq pisirildi. Sondai-aq qatysýshylar Ishim aýylymen tanysty. Ishim mektebin kórip, tamasha kontserttik baǵdarlamany qyzyqtady. Aýyl turǵyndary balalardy súzbe jáne kurt qalai daiyndaitynyn úiretti. Baǵdarlama qatysýshylary Ishim mektebiniń oqýshylarymen birge Baýbek batyr kesenesine bardy. Aýyl turǵyndary da kesenege baryp, duǵa oqydy. Sonymen qatar, balalar Qulshaq kópiriniń ornynda bolyp, Tasqa ainalǵan aǵashty, sondai-aq qazba oryndary men qorǵandardy kórdi.
Baýbek batyr týraly alǵan bilimderin balalar Zaporoje jáne Terisaqqan aýyldarynda tereńdetti. Balalar Baýbek batyr týraly film kórdi, murajaidy kórdi, aýyl sharýashylyq tehnikasymen tanysty. Qatysýshylar Terisaqqan ózeninde balyq aýlap, turǵyndar balyq sorpasyn pisirdi. Balalardyń qyzyqty jáne tanymdyq saiahaty Alǵabas aýylynda jalǵasty. Alǵabas mektebiniń direktory aýylmen jáne mekteppen tanystyrdy. Odan ári «Rýhani jańǵyrý» kabinetine daiyndalǵan kontsertti kórdi. Oqýshylar qurt pen qaimaq qalai daiyndalatynyn kórdi. Sonymen qatar, balalar qoilardy qyrqyp, jylqynyń jinalýymen tanysyp, balapandardy tamaqtandyryp, arbada júrip kórdi. Tústen keiin balyq aýlap, sorpa daiyndap, ár túrli ulttyq oiyndar oinady.
Saiahat barysynda balalar Jaqsy aýdanynyń №2 orta mektebinde «Rýhani jańǵyrý» kabinetimen tanysty. Bul kabinet respýblika boiynsha úshinshi, al oblys boiynsha birinshi bolyp ashyldy. «Rýhani jańǵyrý» kabineti týraly mektep belsendileri men kabinet menedjerleri aityp berdi. Mektepten shyǵyp, balalar elevatorǵa bardy. Astyqty óndirýmen «Ýrojai» JShS direktorynyń orynbasary Erlan Tasbolatuly tanystyrdy. Astyqty nan ónimderine ainaldyrý protsesin balalar erekshe qyzyǵýshylyqpen baqylap, ózderin qyzyqtyrǵan suraqtaryn qoidy.
Astyq ónimderin aidaý protsesimen tanysý tazalaý diirmeninen jáne zerthanadan bastaldy. Balalar táýligine 250 tonna astyq óńdeledi jáne 160 tonna un óndiriletinin jáne undy eldiń túkpir-túkpirine, Qytai men Aýǵanstan siiaqty elderge jetkizetinin bildi. Sońynda balalar nan zaýytyna bardy. Odan keiin «Tursynbek Ábdiǵaliuly Ýáliev atyndaǵy sport mektebi» JShS-de boldy, onda balalar sporttyń úsh túri: fýtbol, boks jáne grek-rim kúresi boiynsha jattyǵady. Balalar jattyǵý zaldary boiynsha ótip, mektep murajaiynda boldy. Jobanyń maqsaty oryndaldy. Qatysýshylarǵa osy ai eń qyzyqty jáne umytylmastai boldy.
