Aqmola oblysynda osydan 6 kún buryn iz-túzsiz joǵalǵan 26 jastaǵy qyz izdestirilýde, dep habarlaidy "Ult aqparat" oblystyq PD baspasóz qyzmetine silteme jasap.
Vedomstvonyń málimetinshe, biylǵy jylǵy aqpannyń 11-da Kókshetaý qalalyq PB kezekshilik bólimine Simferopol aýylynyń 57 jastaǵy turǵyny habarlasyp, 26.06.1993 jyly týǵan qyzy Sholpan Jumabekqyzy Ahmetti izdep tabýǵa kómektesýdi suraǵan. Áieldiń aitýynsha, 7 aqpannan bastap qyzynyń qaida júrgeni belgisiz.
Joǵalǵan qyzdyń boiy - 156 sm, dene bitimi ortasha, shashy qara tústi, erniniń oń jaq tusynda meńi bar.
Ústine jasyl tústi, tizesine deiin uzyn kýrtka, shashaǵy bar qara shápke, kók tústi djinsy, aiaǵyna qońyrt tústi, baýy bar báteńke kigen.
«Anasynyń aitýynsha, qyzy 7 aqpan kúni Kókshetaý qalasyndaǵy HQO ketken. Keiin anasy habarlasqanynda uialy telefony óshirýli bolǵan. Sodan beri esh habar joq», - deidi vedomvstodan.
Qazirgi kezde, qyzdyń júrgen jerin anyqtaý boiynsha jedel-izdestirý sharalary júrgizilýde. Tártip saqshylary Sholpan Jumabekqyzyn kórgen jáne júrgen jerin biletin adamdar bolsa, «102» arnaiy jelisine habarlasýdy suraidy.
