Aqmola oblysynda esirtki saýdasymen ailanysqan kúdiktilerden 1,5 keli esirtki tárkilendi. Bul - aqshamen eseptegende 24 million teńge. Bul týraly Aqmola oblysy PD esirtki qylmysyna qarsy is-qimyl basqarmasynyń bastyǵy Meiram Jabasov aitty, dep habarlaidy "Ult aqparat".
Aqmola oblysynyń turǵyny, 37 jastaǵy er adam jáne Nur-Sultan qalasynyń turǵyny - 58 jastaǵy áiel ustaldy.
Olardan 1 kilogramm 400 gramm «geroin» tárkilendi. Bul - bir rettik bes myń doza.
«Osyǵan bailanysty Qylmystyq kodekstiń 297-babynyń 3 bóligi boiynsha (esirtki zatyn zańsyz satyp alý, saqtaý, tasymaldaý, ótkizý maqsatynda aldyn ala sóz bailasý arqyly adamdar toby jasaǵan) qylmystyq is qozǵaldy», - dedi Meiram Jabasov.
Kúdiktiler múlkin tárkileýmen birge 10 jyldan 15 jylǵa deiin bas bostandyǵynan aiyrylýy múmkin.
Qazirgi kezde kúdiktiler ýaqytsha ustaý oqshaýlaǵyshyna qamalǵan.
