Tselinograd aýdanynyń Talapker aýylynda 1 jasar sábiden koronavirýs tabyldy, dep habarlaidy "Ult aqparat" Aqmola oblystyq taýarlar jáne kórsetiletin qyzmetterdiń sapasy men qaýipsizdigin baqylaý departamentine silteme jasap.
Vedomstvonyń málimetinshe, kishkentai naýqasqa koronavirýs úiindegi týystarynan juqqan, al týystary Nur-Sultan qalasynan juqtyrǵan. Naýqas Aqmola oblysynyń týberkýlezge qarsy dispanseriniń stantsionarynda emdeledi», deidi vedomstvodan.
Vedomstvodan atap ótkendei, epidemiologiiaǵa qarsy sharalar naýqaspen jáne onymen bailanysty bolǵan adamdardy belgilengen sanitarlyq-epidemiologiialyq zertteý boiynsha, bekitilgen algoritmge sáikes júrgizilýde.
«Osy kúni óńirdegi statsionarlarda 167 adam emdelip jatyr. Onyń ishinde ýaqytsha statsionarda - 18, karantindik – 124, infektsiialyq – 25. Úi karantininde-664 adam. Jalpy, oblys boiynsha barlyǵy 147 adamnyń COVID-19 juqtyrǵany tirkelgen. Onyń ishinde 126 jaǵdai Tselinograd aýdanynyń úlesinde. Al qalǵany Kókshetaý qalasy, Aqkól, Arshaly, Egindikól, Esil, Shortandy aýdandarynda», - dep tolyqtyrdy vedomstvodan.
