Aqmola oblysynan habar-osharsyz ketken adam urlyq jasap ustaldy, dep habarlaidy QazAqparat.
Oblystyq politsiia departamenti baspasóz qyzmetiniń málimetinshe, aǵymdaǵy jylǵy qazannyń 17-de Kókshetaý qalalyq politsiia basqarmasynyń kezekshi bólimine 59 jastaǵy jergilikti turǵyny habarlasyp, belgisiz bireýlerdiń Áýezov kóshesindegi aýlalardyń birinde shoiyn liýkti urlap ketkenin aitty. Shyǵyn somasy 20 myń teńgeni qurady.
«Jedel basqarý ortalyǵynyń beinebaqylaý kameralary arqyly urlyq jasalǵany anyqtaldy. Kameranyń kómegimen patrýldik politsiia batalony ekipajynyń qyzmetkerleri eki kúdiktini izdestirip ustady», - dedi vedomstvodan.
Anyqtalǵandai, kúdiktilerdiń biri Tselinograd aýdanynyń 19 jastaǵy turǵyny bolyp shyqty. Onyń osy jyldyń 16 qazanynan bastap iz-túzsiz joǵalǵany anyqtaldy.
«Qazirgi ýaqytta urlyq jasaý boiynsha Qylmystyq kodekstiń 188-shi baby negizinde sotqa deiingi tergeý sharalary qolǵa alyndy. Kúdiktilerdiń osyǵan uqsas qylmys jasaýǵa qatystylyǵy tekserilýde», - dep tolyqtyrdy vedomstvodan.
