اقمولا وبلىسىنان حابار-وشارسىز كەتكەن ادام ۇرلىق جاساپ ۇستالدى, دەپ حابارلايدى قازاقپارات.
وبلىستىق پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, اعىمداعى جىلعى قازاننىڭ 17-دە كٶكشەتاۋ قالالىق پوليتسييا باسقارماسىنىڭ كەزەكشٸ بٶلٸمٸنە 59 جاستاعى جەرگٸلٸكتٸ تۇرعىنى حابارلاسىپ, بەلگٸسٸز بٸرەۋلەردٸڭ ەۋەزوۆ كٶشەسٸندەگٸ اۋلالاردىڭ بٸرٸندە شويىن ليۋكتٸ ۇرلاپ كەتكەنٸن ايتتى. شىعىن سوماسى 20 مىڭ تەڭگەنٸ قۇرادى.
«جەدەل باسقارۋ ورتالىعىنىڭ بەينەباقىلاۋ كامەرالارى ارقىلى ۇرلىق جاسالعانى انىقتالدى. كامەرانىڭ كٶمەگٸمەن پاترۋلدٸك پوليتسييا باتالونى ەكيپاجىنىڭ قىزمەتكەرلەرٸ ەكٸ كٷدٸكتٸنٸ ٸزدەستٸرٸپ ۇستادى», - دەدٸ ۆەدومستۆودان.
انىقتالعانداي, كٷدٸكتٸلەردٸڭ بٸرٸ تسەلينوگراد اۋدانىنىڭ 19 جاستاعى تۇرعىنى بولىپ شىقتى. ونىڭ وسى جىلدىڭ 16 قازانىنان باستاپ ٸز-تٷزسٸز جوعالعانى انىقتالدى.
«قازٸرگٸ ۋاقىتتا ۇرلىق جاساۋ بويىنشا قىلمىستىق كودەكستٸڭ 188-شٸ بابى نەگٸزٸندە سوتقا دەيٸنگٸ تەرگەۋ شارالارى قولعا الىندى. كٷدٸكتٸلەردٸڭ وسىعان ۇقساس قىلمىس جاساۋعا قاتىستىلىعى تەكسەرٸلۋدە», - دەپ تولىقتىردى ۆەدومستۆودان.
