Aqmola oblysynyń ákimi Ermek Marjyqpaevtyń tóraǵalyǵymen ótkizilgen apparattyq keńeste oblystaǵy joldardyń jaǵdaiy, áleýmettik mańyzdy azyq-túlik taýarlaryna baǵalardyń ósýine jol bermeý jáne «Rýhani jańǵyrý» baǵdarlamasyn júzege asyrý máseleleri talqylandy.
Jolaýshylar kóligi jáne avtomobil joldary basqarmasy basshysynyń mindetin atqarýshy Arsen Janǵasqanov oblysta ázirlengen oblystyq jáne aýdandyq mańyzy bar avtomobil joldaryn jóndeýdiń aldaǵy 5 jylǵa arnalǵan kezeń-kezeńdik jospary týraly baiandady.
Aǵymdaǵy jyly 411,2 km jergilik mańyzy bar joldardy jáne kóshe-jol jelisin jóndeý josparlanǵan, sonyń ishinde qurylysyn salý men rekonstrýktsiialaý — 58,5 km; kúrdeli jóndeý — 34,3 km, ortasha jóndeý — 251,9 km, aǵymdaǵy jóndeý — 66,5 km, sondai-aq, 96 sý ótkizý imarattaryn jóndeý. Osy maqsattarǵa kelesi baǵdarlamalar boiynsha barlyǵy 20 mlrd. teńge bólingen: «Aýyl-El besigi» — 1,5 mlrd. teńge, «Nur-Sultan qalasy shetteriniń áleýmettik jáne injenerlik infraqurylymyn damytý» — 3,1 mlrd. teńge, «Nur-Sultan qalasyna irgeles eldi mekenderdi áleýmettik-ekonomikalyq damytýdyń keshendi jospary» — 4,8 mlrd. teńge, oblystyq mańyzy bar avtojoldardy jóndeý — 6,7 mlrd. teńge, nysanaly transfertter — 2,4 mlrd. teńge, «Kókshetaý qalasynda ótkiziletin Resei men Qazaqstan óńiraralyq yntymaqtastyq forýmy» — 1,2 mlrd. teńge, «Óńirlerdi damytý» — 595 mln. teńge.
«QazAvtoJol» UK» AQ Aqmola oblystyq filialynyń direktory Tólegen Abdýllin óńirdiń respýblikalyq avtojoldary jelisin damytý týraly baiandady. Qyrkúiekte jańa «Zerendi-Shýchinsk» avtojoly paidalanýǵa beriledi. Aǵymdaǵy jyly oblystyń uzyndyǵy 160 km 10 avtojol ýchaskesi ortasha jóndeýmen qamtyldy, «Nur-Sultan-Petropavlovsk» avtojolyn, Kókshetaý qalasyna kireberisti rekonstrýktsiialaý boiynsha jumystar júrgizilýde.
Talqylaýdyń qorytyndysy boiynsha oblys ákimi Ermek Marjyqpaev jolaýshylar kóligi jáne avtomobil joldary basqarmasyna, aýdandar men qalalardyń ákimderine jol infraqurylymyn damytýǵa bólingen biýdjettik qarjynyń tolyq igerilýin qamtamasyz etýdi, sondai-aq júrgizilip jatqan qurylys-montaj jumystarynyń sapasyna baqylaýdy kúsheitýdi tapsyrdy.
Áleýmettik mańyzdy azyq-túlik taýarlaryna baǵalardyń negizsiz ósýine jol bermeý boiynsha qoldanylyp jatqan sharalar týraly kásipkerlik jáne ónerkásip basqarmasynyń basshysy Erbol Ospanov baiandady. Jyl basynan beri jedel shtaptardyń 133 otyrysy, 485 aýyl sharýashylyq jármeńkeleri ótkizildi, baǵalardy turaqtandyrý týraly 983 memorandým jasaldy.
Ermek Marjyqpaev kásipkerlik jáne ónerkásip basqarmasyna, aýdandar men qalalardyń ákimderine kóterme jáne bólshek saýdadaǵy baǵalarǵa turaqty negizde taldaý júrgizýdi, baǵalardyń kúrt ósý jaǵdailary týraly jedel túrde monopoliiaǵa qarsy áreket etý úshin Tabiǵi monopoliialardy retteý básekelestikti jáne tutynýshylardyń quqyqtaryn qorǵaý komietiniń Aqmola oblysy boiynsha departamentine jedel habarlap otyrýdy tapsyrdy.
Ishki saiasat basqarmasynyń basshysy Ǵalym Shoikin «Rýhani jańǵyrý» baǵdarlamasy sheńberinde júzege asyrylyp jatqan jobalar týraly baiandady. Atap aitqanda, mýzeilerdiń infraqurylymyn jańǵyrtý, kitaphanalardaǵy kitap qoryn tsifrlandyrý, ataqty tarihi tulǵalardy keńinen tanytý boiynsha jáne basqa is-sharalar jalǵastyrylýda.
Qosymsha materialdar jinastyrý Astrahan aýdanynda ornalasqan «Toǵyz áýlie» kieli obektisin jalpy ulttyq mańyzy bar obektiler tizimine engizýge múmkindik berdi. Óńirlik mańyzy bar kieli obektilerdiń tizimi de tolyqtyryldy. Olar Birjan sal, Sandyqtaý jáne Jarqaiyń aýdandarynda Ańǵal batyr, Shamai batyr, Qabyl batyr jerlengen jerler.
Oblys ákimi ishki saiasat, bilim, týrizm, mádeniet, arhivter men qujattamalar basqarmalarynyń, óńirlik jobalyq ofistiń, aýdandar men qalalar ákimderiniń aldyna saraptamalyq qaýymdastyqty tarta otyryp ólketanýdy damytýdyń uzaq merzimdik jobasyn ázirleýdi uiymdastyrý, sondai-aq «Rýhani jańǵyrý» baǵdarlamasynyń tujyrymdamalyq negizine sáikes jobalar men is-sharalardy júzege asyrýdy qamtamasyz etý mindetterin júktedi.
