Marat Iǵaliev Aqmola oblysy ákiminiń týrizm, indýstriialandyrý, kásipkerlik jáne investitsiialar máseleleri boiynsha orynbasary bolyp taǵaiyndaldy, dep habarlaidy "Ult aqparat" ákimdikke silteme jasap.
«QR Prezidenti Ákimshiliginiń kelisimi negizinde Aqmola oblysy ákiminiń 2018 jylǵy 17 tamyzdaǵy ókimimen Marat Iǵaliev oblys ákiminiń týrizm, indýstriialandyrý, kásipkerlik jáne investitsiialar máseleleri boiynsha orynbasary bolyp taǵaiyndaldy», - delingen baspasóz habarlamasynda.
Marat Iǵaliev 1974 jyly týǵan, K.Jubanov atyndaǵy Aqtóbe pedagogikalyq institýtyn, QR Prezidenti janyndaǵy memlekettik akademiia, Almaty ekonomika jáne statistika institýtyn támamdaǵan. Saiasi ǵylymdardyń kandidaty.
Memlekettik qyzmettegi eńbek jolyn 1999 QR Qaýipsizdik Keńesi ortalyǵynda sarapshy bolyp bastaidy.
2003-2009 jyldary aralyǵynda Aqtóbe oblysy ákimi apparatynyń basshysy, QR Prezidenti Ákimshiliginiń memlekettik baqylaý jáne uiymdastyrý bóliminde bas inspektor, QR Qorshaǵan ortany qorǵaý ministriniń keńesshi, QR Qorshaǵan ortany qorǵaý ministrligi Ekologiialyq retteý komiteti tóraǵasynyń orynbasary laýazymdarynda boldy.
2010-2017 jyldary aralyǵynda QR Indýstriia jáne saýda ministrligi Saýda komiteti tóraǵasynyń orynbasary, QR Indýstriia jáne jańa tehnologiialar ministriniń keńesshi, QR Indýstriia jáne jańa tehnologiialar ministrligi Atom energiiasy komiteti tóraǵasynyń orynbasary, QR Indýstriia jáne jańa tehnologiialar ministrligi Ákimshilik-kadr jumysy departamentiniń direktory, QR Indýstriia jáne jańa tehnologiialar ministrligi Týrizm indýstriiasy komitetiniń tóraǵasy qyzmetterin atqardy.
2014-2017 jyldary aralyǵynda QR Investitsiialar jáne damý ministri kadr jumysy jáne týrizm indýstriiasy departamentin basqardy. «Kazkontent» AQ tóraǵasy orynbasary qyzmetinde boldy.
Ol jańa qyzmetke taǵaiyndalǵanǵa deiin Aqmola oblysy ákiminiń týrizm jónindegi keńesshisi boldy.
