Aqmola oblysy ákiminiń orynbasary Marat Iǵaliev qyzmetinen ketti. Bul týraly ol Facebook-paraqshasynda jazdy, dep habarlaidy "Ult aqparat".
«Qurmetti aqmolalyqtar! Men úshin týǵandai bolyp ketken Aqmola oblysynyń ósip-órkendeýine sizdermen birge 3 jylǵa jýyq qyzmet etý úlken mártebe boldy. Qyzmet babymda halyqpen ashyq bolýǵa tyrystym, birlesken jumys nátijesinde biz kóptegen salalarda oń nátijelerge qol jetkizdik. Sondai-aq, kieli Kókshe jerinde biraz adamdarmen dostastym. Birge qyzmet etken barlyq áriptesterime alǵysymdy bildiremin!. Barlyq jinaǵan bilimimdi, tájiribemdi jańa jaýapty qyzmette qoldanýǵa tyrysamyn. El jáne Aqmola oblysy basshylyǵyna kórsetilgen senim úshin úlken rahmetimdi aitamyn!», - dep jazdy M.Iǵaliev.
Eske sala keteiik, 2018 jyldyń 17-shi tamyzynda Marat Iǵaliev Aqmola oblysy ákiminiń týrizm, indýstriialandyrý, kásipkerlik jáne investitsiialar máseleleri boiynsha orynbasary etip taǵaiyndalǵan bolatyn.
