Foto: Massaget.kz
Almatydaǵy kópqabatty úiden shyqqan órtten zardap shekken bir áiel qaitys boldy, dep habarlaidy "Ult aqparat" qalanyń qoǵamdyq densaýlyq saqtaý basqarmasyna silteme jasap.
"Alataý aýdany, Aqkent shaǵyn aýdany, 54 mekenjaiy boiynsha oryn alǵan órtke 23 jedel járdem brigadasy, sonyń ishinde 5 jansaqtaý brigadasy jumyldyryldy.
Barlyǵy 43 adam zardap shekti. 4 bala jansaqtaý bóliminde jatyr, taǵy tórteýi meditsinalyq kómek kórsetilgennen keiin ambýlatorlyq emdeýge jiberildi. Sondai-aq úsh balanyń ata-anasy aýrýhanaǵa jatqyzýdan bas tartty.
12 eresek adam qalalyq kópbeiindi aýrýhanalarǵa jetkizildi, sonyń ishinde beseýi aýrýhanaǵa jatqyzyldy, basqalary qajetti jedel meditsinalyq kómek kórsetilgennen keiin ambýlatorlyq baqylaýǵa jiberildi.
Órtten zardap shekken qalǵan adamdardyń jaǵdaiy turaqty. Bir áiel kóptegen jaraqattan qaitys boldy" - delingen habarlamada.
Vedomstvo málimetinshe, keibir JK turǵyndaryna oqiǵa ornynda meditsinalyq kómek kórsetilgen.
