Qostanai oblysy ákimdiginiń qyzmetkeri Amangeldi aýdany Úshtoǵai aýylynda uialy bailanys pen internet jelisi nege joq ekenin túsindirdi, - dep habarlaidy Tengrinews.kz.
Ákimdik qyzmetkeri internet pen uialy bailanys joqtyǵy 2020 jylǵy 1 qańtardaǵy jaǵdai boiynsha, Úshtoǵai aýylynda halyq sany 234 adam bolǵanyna bailanysty ekenin túsindirdi. Bul aýyl Qazaqstannyń tsifrlyq damý, innovatsiialar jáne aeroǵarysh ónerkásibi ministrliginiń (QR TsDIAÓM) internet jelisimen qamtamasyz etý jónindegi jospar-kestesine kirmegen. Óitkeni eldi mekenderde halyq sany 250-den assa ǵana internetke qosylady.
"Alaida 2021 jylǵy Úshtoǵai aýyly turǵyndarynyń sany 286 adamǵa deiin artty, bul aýyl damý áleýeti bar aýyldar tiziminde tur", - dep atap ótti vedomstvo ókili.
Aýylda 1 basty mektep, 1 feldsherlik-akýsherlik beket, 2 jaýapkershiligi shekteýli aýyl sharýashylyǵy seriktestigi, 16 sharýa qojalyǵy, 12 jeke kásipker (egis alańy 35 myń gektar) jumys isteidi, sharýashylyq júrgizýshi sýbektiler tarapynan jumys kúshin tartý boiynsha kóktemgi jáne kúzgi egis jumystary maýsymynda halyq sany 200, keide odan da kóp adamǵa artady.
"Qostanai oblysynyń ákimdigi "Kar-Tel" JShS-men (Beeline) birlesip, Úshtoǵai aýylyn biyl 31 shildege deiin uialy bailanyspen jáne 3G Internet jelisimen qamtamasyz etý máselesin pysyqtady", - dep tolyqtyrdy vedomstvo ókili.
Eske salaiyq, buǵan deiin Qazaqstan Prezidenti Qasym-Jomart Toqaevpen attas 12 jastaǵy bala turatyn Qostanai oblysy Úshtoǵai aýylynda áli kúnge deiin uialy bailanys pen internet joq ekeni habarlanǵan bolatyn.
