Joǵary oqý ornyndaryna jergilikti atqarýshy organdardyń bilim grantyna ótinishterdi qabyldaý erteń aiaqtalady. Bul týraly QR BǴM Joǵary jáne joǵary oqý ornynan keiingi bilim berý departamentiniń direktory Ádilet Toibaev aitty, dep habarlaidy "Ult aqparat".
«Bilim jáne ǵylym ministrligi tarapynan belgili bir kólemde ártúrli baǵyt boiynsha grant bólinedi. Ártúri jergilikti atqarýshy organdar atynan da granttar bólinip jatyr. Osy granttarǵa konkýrsqa búgin jáne erteń ótinishter ótkizýge bolady. Joǵary oqý oryndarynda ótinishterdi virtýaldy qabyldaý komissiialary bar. Olar áli jumys istep jatyr. Osy virýtaldy komissiialar arqyly belgili bir ákimdiktiń grantyna ótinish berýge bolady. Olardy qabyldaý erteń keshke deiin jalǵasady», - dedi ol.
Sonymen qatar departament basshysy erteńnen bastap 2020-2021 oqý jylyna arnalǵan magistratýra grantyn utyp alǵan úmitkerler joǵary oqý ornyna baryp, qujattaryn ótkizý kerektigin aitty.
«Sonymen qatar JOO-ǵa barmai-aq virtýaldy komissiialar arqyly ótkizýge bolady.Jalpy, magistranttarǵa oqý jyly koronavirýs indetine bailanysty 14 qyrkúiekten bastalady. Demek, kelesi dúisenbiden bastap barlyq sabaq bastalady jáne qashyqtan oqytý tehnologiiasy negizinde júrgiziledi. Tek tehnikalyq baǵyttardyń zerthanalyq dáristeri aralas formatynda bolady. Biraq, ol qazan aiynan bastalady», - dedi Ádilet Toibaev.
