Ákimder negizgi azyq-túliktiń baǵasyn turaqtandyrýdy baqylaýǵa alýy qajet. Bul týraly búgin Úkimet otyrysynda QR Premer-Ministri Asqar Mamin aitty, dep habarlaidy QazAqparat.
«Ákimder negizgi azyq-túliktiń baǵasyn turaqtandyrýdy baqylaýǵa alýy, óńirlerde turaqtandyrý qorlaryn qurý tásilderin qaita qaraýy, azyq-túlikti forvardtyq satyp alý mehanizimin keńinen paidalanýǵa nazar aýdarýy qajet dep sanaimyn», - dedi Asqar Mamin.
Úkimet basshysynyń aitýynsha, osy baǵytta Shyǵys Qazaqstan, Aqmola jáne Qyzylorda oblystarynda tiimdi jumys uiymdastyrylǵan. Bul óńirlerde baǵalardyń eń tómengi ósýi baiqalady.
«Sonymen birge, Qostanai, Mańǵystaý jáne Jambyl oblystarynda baǵalardyń eń joǵary ósýi tirkeldi. Bizdiń basty maqsatymyz – elimizdiń azyq-túlik qaýipsizdigin qamtamasyz etý»,- dedi Premer-Ministr.
