QR Memlekettik qyzmet isteri agenttigi oblys, respýblikalyq mańyzy bar qala nemese astana ákimderi qandai jaǵdaida otstavkaǵa ótinish beretindigin jariia etti, dep habarlaidy QazAqparat.
«Oblys, respýblikalyq mańyzy bar qala nemese astana ákimderi óziniń orynbasary, ózine tikelei baǵynysty memlekettik saiasi qyzmetshi, apparat basshysy ne aýdan (oblystyq mańyzy bar qala), qaladaǵy aýdan ákimi sybailas jemqorlyq qylmys jasaǵan kezde otstavkaǵa ótinish beredi, - dedi MQIA-nyń Memlekettik qyzmet salasyndaǵy baqylaý departamentiniń direktory Erlan Saparov.
Sondai-aq oblys, respýblikalyq mańyzy bar qala nemese elorda ákiminiń orynbasary ózi jetekshilik etetin, jergilikti biýdjetten qarjylandyrylatyn atqarýshy organnyń basshysy sybailas jemqorlyq qylmys jasaǵanda, al aýdan (oblystyq mańyzy bar qala), qaladaǵy aýdan ákimderi óziniń orynbasary, ákim apparatynyń basshysy, ózi jetekshilik etetin, jergilikti biýdjetten qarjylandyrylatyn atqarýshy organnyń basshysy, aýyl, kent, aýyldyq okrýg ákimi sybailas jemqorlyq qylmys jasaǵanda otstavkaǵa ótinish berýi tiis.
Erlan Saparovtyń atap ótýinshe, «QR memlekettik qyzmeti týraly» Zańnyń memlekettik qyzmetshilerdiń jaýaptylyǵy máselesi boiynsha erejeleri 2019 jyldyń 10 jeltoqsanynda qoldanysqa engizilgen. Osylaisha, otstavkaǵa ketý týraly mindet ótken jyldyń 10 jeltoqsanynan keiin sybailas jemqorlyq qylmys jasaǵan qyzmetkerlerdiń basshylaryna jáne saiasi qyzmetkerlerge qoldanylady. Memlekettik saiasi qyzmetshiler, eger olar taǵaiyndalǵan kúnnen bastap úsh ai ótkennen keiin sybailas jemqorlyq qylmys jasalǵan jaǵdaida otstavkaǵa ketedi.
Saiasi qyzmetshiler sottyń aiyptaý úkimi zańdy kúshine engennen keiin nemese sot álde qylmystyq qýdalaý organy qylmystyq isti Qazaqstan Respýblikasy Qylmystyq is júrgizý kodeksiniń 35-baby birinshi bóliginiń 3), 4), 9), 10), 11) 12) jáne 12) tarmaqshalarynyń nemese 36-baby negizinde qysqartqan soń 10 kúntizbelik kún ishinde otstavkaǵa beredi.
Basshylardyń jaýapkershiligin qaraý kezinde kórsetilgen sharttardan basqa, qol astyndaǵylarǵa jasalǵan sybailas jemqorlyq qylmysy men basshynyń sybailas jemqorlyq quqyq buzýshylyq jasaýdyń aldyn alý jónindegi laýazymdyq mindetterin oryndamaýdaǵy nemese tiisinshe oryndamaýdaǵy kinási arasynda bailanystyń bolýy da mańyzdy.
