Aýyl ákimderinen úmitkerdiń sailaýdaǵy úgit-nasithat shyǵyn qaita qaraý qajet. QR Prezidenti Ákimshiligi Basshysynyń orynbasary Málik Myrzalin «Habar 24» telearnasyna bergen suhbatynda osyndai pikir bildirdi, dep habarlaidy QazAqparat.
«Qoldanystaǵy zańnama boiynsha úgit-nasihatqa 10 kún bólingen. Soltústik aimaqtarda bul jetkilikti shyǵar. Aýyldyq okrýgterdiń halqy 20-50 myń adamǵa jetetin ońtústik aimaqtarda bul jetkiliksiz. Jambyl oblysyndaǵy Qordai aýyldyq okrýginde 35 myń adam turady. Baǵana aitqan Talǵar qalasynda 50 myńnan astam adam turady. Munsha halyqtyń arasynda úgit-nasihat júrgizý úshin kóp ýaqyt qajet», - dedi Málik Myrzalin.
Onyń aitýynsha, atalǵan problemany sheshý úshin saralanǵan qarjylandyrý júiesin engizý josparlanyp otyr.
«Qarjylandyrýǵa keletin bolsaq, ár úmitkerge úgit-nasihat jumystaryna dep 200 myń teńge qarastyrylǵan. Taǵy da aitaiyn, soltústikte bul soma jetkilikti shyǵar. Ońtústikte halyqtyń tyǵyz qonystanǵany eskersek, bul jetkiliksiz. Sondyqtan qazir okrýg halqynyń sanyna bailanysty saralanǵan qarjylandyrý engizý máselesi qarastyrylyp jatyr», - dep túsindirdi Prezident Ákimshiligi Basshysynyń orynbasary.
