اۋىل ەكٸمدەرٸنەن ٷمٸتكەردٸڭ سايلاۋداعى ٷگٸت-ناسيتحات شىعىن قايتا قاراۋ قاجەت. قر پرەزيدەنتٸ ەكٸمشٸلٸگٸ باسشىسىنىڭ ورىنباسارى مەلٸك مىرزالين «حابار 24» تەلەارناسىنا بەرگەن سۇحباتىندا وسىنداي پٸكٸر بٸلدٸردٸ, دەپ حابارلايدى قازاقپارات.
«قولدانىستاعى زاڭناما بويىنشا ٷگٸت-ناسيحاتقا 10 كٷن بٶلٸنگەن. سولتٷستٸك ايماقتاردا بۇل جەتكٸلٸكتٸ شىعار. اۋىلدىق وكرۋگتەردٸڭ حالقى 20-50 مىڭ ادامعا جەتەتٸن وڭتٷستٸك ايماقتاردا بۇل جەتكٸلٸكسٸز. جامبىل وبلىسىنداعى قورداي اۋىلدىق وكرۋگٸندە 35 مىڭ ادام تۇرادى. باعانا ايتقان تالعار قالاسىندا 50 مىڭنان استام ادام تۇرادى. مۇنشا حالىقتىڭ اراسىندا ٷگٸت-ناسيحات جٷرگٸزۋ ٷشٸن كٶپ ۋاقىت قاجەت», - دەدٸ مەلٸك مىرزالين.
ونىڭ ايتۋىنشا, اتالعان پروبلەمانى شەشۋ ٷشٸن سارالانعان قارجىلاندىرۋ جٷيەسٸن ەنگٸزۋ جوسپارلانىپ وتىر.
«قارجىلاندىرۋعا كەلەتٸن بولساق, ەر ٷمٸتكەرگە ٷگٸت-ناسيحات جۇمىستارىنا دەپ 200 مىڭ تەڭگە قاراستىرىلعان. تاعى دا ايتايىن, سولتٷستٸكتە بۇل سوما جەتكٸلٸكتٸ شىعار. وڭتٷستٸكتە حالىقتىڭ تىعىز قونىستانعانى ەسكەرسەك, بۇل جەتكٸلٸكسٸز. سوندىقتان قازٸر وكرۋگ حالقىنىڭ سانىنا بايلانىستى سارالانعان قارجىلاندىرۋ ەنگٸزۋ مەسەلەسٸ قاراستىرىلىپ جاتىر», - دەپ تٷسٸندٸردٸ پرەزيدەنت ەكٸمشٸلٸگٸ باسشىسىنىڭ ورىنباسارى.
