Jambyl oblysynyń ákimi Berdibek Saparbaev jalaqysy qansha ekenin jariia etýden bas tartty, - dep habarlaidy Tengrinews.kz tilshisi.
Ortalyq kommýnikatsiialar qyzmetiniń baspasóz máslihatynda jýrnalistiń saýalyna jaýap bergen aimaq basshysy onyń jalaqysynyń basqa oblys ákimderiniń jalaqysynan esh aiyrmashylyǵy joq ekenin aitty.
"Bul suraq áriptesterime birinshi márte qoiylyp turǵan joq. Qaitalap aitamyn, memlekettik qyzmetkerlerdiń jalaqysy eńbek ótiline bailanysty Úkimet qaýlysy negizinde belgilenedi. Men áriptesterimmen birdei jalaqy alamyn", - dedi Saparbaev.
