QR Sybailas jemqorlyqqa qarsy is-óimyl agenttiginiń tóraǵasy Marat Ahmetjanov TMD sybailas jemqorlyqqa qarsy is-qimyl boiynsha Memleketaralyq Keńestiń tóraǵasy bolyp sailandy , dep habarlaidy "Ult aqparat" agenttiktiń baspasóz qyzmetine silteme jasap.
TMD sybailas jemqorlyqqa qarsy is – qimyl baiynsha Memleketaralyq Keńestiń (budan ári-Keńes) VI otyrysy onlain formatta ótti.
Atalǵan keńeske qatysýshy memleketter qabyldaǵan sybailas jemqorlyqqa qarsy is-qimyl salasyndaǵy birlesken is-qimyldardy jáne mindettemelerdiń oryndalý monitoringin úilestiredi.
Is-shara barysynda Sybailas jemqorlyqqa qarsy is-qimyl agenttiginiń tóraǵasy M. Ahmetjanov Keńes tóraǵasy bolyp sailandy.
Keńes otyrysyna sybailas jemqorlyqqa qarsy is – qimyl salasyndaǵy TMD qatysýshy memleketteriniń bas prokýrorlary men mamandandyrylǵan organdarynyń basshylary qatysty.
M. Ahmetjanov óz sózinde Qazaqstannyń sybailas jemqorlyqty onyń barlyq túrinde joiýǵa baǵyttalǵan maqsatty baǵytty ustanatynyn jáne odan ári jemisti yntymaqtastyqqa ashyq ekenin atap ótti.
Ol sondai-aq qylmystyq protsesti jańǵyrtýǵa, sybailas jemqorlyqqa qarsy zańnamadaǵy jańashyldyqtarǵa jáne Memleket basshysynyń Joldaýynda aitylǵan bastamalarǵa erekshe nazar aýdara otyryp, áriptesterin elde júrgizilip jatqan reformalarmen tanystyrdy.
