QR Úkimetiniń qaýlysymen Ahmetjan Ábdijámiluly Pirimqulov QR ekologiia, geologiia jáne tabiǵi resýrstar vitse-ministri qyzmetine taǵaiyndaldy. Bul týraly QR Premer-Ministriniń baspasóz qyzmeti habarlaidy.
Ahmetjan Pirimqulov 1979 jyly Jambyl oblysynda dúniege kelgen.
2000 jyly «ekonomist» mamandyǵy boiynsha M.H. Dýlati atyndaǵy Taraz memlekettik ýniversitetin, 2003 jyly «zańger» mamandyǵy boiynsha Qazaq gýmanitarlyq zań ýniversitetin támamdaǵan. Zań ǵylymdarynyń kandidaty ǵylymi dárejesi bar.
Eńbek jolyn 2001 jyly Jambyl oblysynyń prokýratýra mamany retinde bastady, sot júiesinde jumys istegen.
2012–2016 jyldary QR Qorshaǵan ortany qorǵaý ministrligi Ekologiialyq retteý jáne baqylaý komitetiniń tóraǵa orynbasary, QR Energetika ministrligi Ekologiialyq retteý, baqylaý jáne memlekettik inspektsiia komitetiniń tóraǵa orynbasary qyzmetterin atqarǵan.
2016 jylǵy maýsymnan 2017 jylǵy qarasha aralyǵynda QR BǴM Bilim jáne ǵylym salasyndaǵy baqylaý komitetiniń tóraǵasy bolyp jumys istedi.
2017 jylǵy qarashadan bastap qazirgi ýaqytqa deiin QR EM Ekologiialyq retteý jáne baqylaý komitetiniń tóraǵasy qyzmetin atqardy.
