- «Astana EKSPO-2017» UK» AQ Basqarma Tóraǵasy Ahmetjan Esimovtyń Ońtústik Koreianyń «Yonhap News Agency» aqparattyq agenttigine bergen suhbatyn oqyrman nazaryna usynamyz.
***
- «Astana EKSPO-2017» kórmesiniń taqyryby - «Bolashaq energiiasy». Taqyryp týraly jáne onyń ózektiligi jóninde naqtyraq aityp berseńiz.
- Álemde energiianyń dástúrli qazba kózderine baǵanyń tómendeýimen bailanysty ekonomikalyq daǵdarys oryn alyp otyr. Qazirde jańartylatyn energiia kózderin paidalanýǵa kóńil bólý arta túsýde. Osy rette EKSPO-2017 jobasy álem elderiniń jetistikterimen tanystyrý úshin tamasha alań, sonymen qatar osy salada odan ári damý úshin qýatty kúsh bolyp tabylady. Sondyqtan bizdiń Kórme taqyrybynyń ózektiligi airyqsha.
Qazirgi ýaqytta jańartylatyn energiia kózderine (JEK) álemdik tutynýdyń 14%-ǵa jýyǵy keledi. 2050 jylǵa qarai onyń jahandyq energetikalyq teńgerimdegi úlesiniń ulǵaiýy 35%-ǵa deiin jetedi dep boljanyp otyr.
Is júzinde damyǵan elderdiń barlyǵynda búginde balamaly energetikamen bailanysty baǵdarlamalar ázirlenip, iske asyrylýda jáne Koreia osy salady aldyńǵy oryndardyń birin iemdenedi. Koreianyń Energetika ministrligi jańartylatyn energiia kózderi salasyna 2020 jylǵa deiin 36,6 mlrd. AQSh dollary shamasynda investitsiia salýǵa nietti.
Jalpy alǵanda, sońǵy 10 jyl ishinde jańartylatyn energiia kózderi salasyndaǵy zertteýler men ázirlemelerge salynǵan jahandyq investitsiialar 3 trln. AQSh dollary shamasyndaǵy somany qurady. Eger 2005 jyly osy maqsattarǵa dúnie júzi boiynsha 99 mlrd. dollar baǵyttalsa, 2015 jyly - 4 ese kóp - 380 mlrd. dollar baǵyttaldy, olardyń ishinde investitsiialar salý Qytaida - 103 mlrd. doll., Eýropada - 48,8 mlrd. doll., Aziiada - 47,6 mlrd, AQSh-ta - 44,1 mlrd. doll. qurady.
Taqyryptyń ózektiligi sonymen qatar, árine, turaqty damýmen jáne qorshaǵan ortaǵa qosatyn úlespen de anyqtalady.
Kórmeniń «Bolashaq energiiasy» taqyryby kontent arqyly tolyq kóleminde ashylyp kórsetiletin bolady. Mysaly, negizgi obekt - jalpy aýdany 20 myń sharshy metrden asatyn diametri 80 metr Shar 8 qabattan turady, olardyń árqaisysynda energiia túrleri (sý, kún, jel jáne t.b.) tanystyrylady.
Taqyryptyń tolyq ashylyp kórsetilýi turǵysynan 2 taqyryptyq pavilon qyzyqty bolyp tabylatyndyǵy sózsiz. Bul pavilondardyń kontentin, aita ketelik, koreialyq «Sigontek» kompaniiasy ázirleýde, bul kompaniianyń EKSPO kórmelerinde jumys isteý tájiribesi mol (Milan, Iosý, Shanhai).
Biz Úzdik tájiribeler aimaǵynda (Energy best practices area) tanystyrylatyn balamaly energiia kózderi salasyndaǵy eń jańa ázirlemelerge erekshe nazar aýdaramyz.
Quramyna kórnekti ǵalymdar, onyń ishinde Nobel syilyǵynyń laýreattary engen halyqaralyq komissiia 133 ótinimdi qarap, olardyń arasynan 24 jobany iriktep aldy.
- Koreianyń «Astana EKSPO-2017» kórmesine qatysatyndyǵy qupiia emes. Eldiń qatysýymen qosa, Astanadaǵy kórmege Koreia kompaniialary qatysa ma? Koreia kompaniialary Kórme sheńberinde biznes úshin qandai múmkindikter ala alady?
- Búgingi kúni, kórmege qatysatyndyqtaryn 106 el jáne 17 halyqaralyq uiym rastady. Koreia Respýblikasy Kórmege óz qatysýyn alǵashqy bolyp rastaǵandardyń biri ekendigin (2015 j. tamyz) atap ótkim keledi, al jalpy aýdany 1 125 sharshy metrdi alatyn Koreia pavilony eń úlken halyqaralyq pavilondardyń biri bolady.
«Astana EKSPO-2017» Ulttyq kompaniiasy álemdegi jetekshi kompaniialarmen, sonyń ishinde koreialyq kompaniialarmen de tyǵyz yntymaqtastyqta ekendigi sózsiz.
Mysaly, kórmeler salasynda kóp jyldyq tájiribesi bar, sonyń ishinde «EKSPO Iosý-2012» kórmesinde kontent ázirleý tájiribesi bar «Sigontek» kompaniiasy bizdiń Kórmeniń taqyryptyq pavilondarynyń kontentin ázirleýge tartyldy.
SAMSUNG áriptestik baǵdarlamasyna qatysady jáne «Astana EKSPO-2017» kórmesiniń ǵalamdyq demeýshisine ainaldy.
Kompaniia demeýshilik baǵdarlamaǵa qosylyp, Kórmeniń korporativtik áriptesine ainala alady. Demeýshilik sanatyna qarai árbir áriptes belgili bir artyqshylyqtarǵa ie bolady.
Álemdik kólemdegi biregei marketingtik tuǵyrnama negizgi artyqshylyq bolyp tabylady. Sonymen qatar, demeýshilerdiń belgili bir sanattary Kórmeni ótkizý kezeńinde óz taýarlaryn nemese qyzmetterin ótkizý airyqsha quqyǵyna ie bolady. 10 maýsymnan bastap 10 qyrkúiekke deiin 93 kún ótetin «Astana EKSPO-2017» kórmesine 5 millionnan astam dep kútilýde.
Bizdiń elderimiz ben halyqtarymyz arasynda qalyptasqan dástúrli tyǵyz qarym-qatynastardy eskere otyryp, Ońtústik Koreia týristerdi tartý turǵysynan da, biznestik qatynastardy damytý turǵysynan da basymdyqty elderdiń biri bolyp tabylady.
Koreianyń biznes-qoǵamdastyǵynyń jáne Qazaqstan Respýblikasy elshiliginiń qoldaýymen Qazaqstan-Koreia yntymaqtastyq ortalyǵynyń ashylýy ótedi, osy ortalyq ta «Astana EKSPO-2017» kórmesin Koreiada ilgeriletetin bolady. Seýl q., 2016 jylǵy 10 qarasha
