Taldyqorǵanda ult ustazy Ahmet Baitursynulynyń 150 jyldyq mereitoiy aiasynda alleia ashyldy, dep habarlaidy QazAqparat.
Alleianyń Taldyqorǵanda ashylýynyń óz mán-maǵynasy bar. Til bilimi institýtynyń ǵalymdary Ahmet Baitursynuly Jetisý óńiri týraly kóp zertteý júrgizgendigin aitady.
«Jetisýǵa bailanysty derekterdi óte jaqsy bilgen. Myna jaqta «Mamaniia» mektebi bar. Qapaldaǵy Barlybek Syrttanov mektebi bar. Qapal óńiri týraly «Qazaq» gazetinde udaiy jazyp otyrǵan», - deidi Baitursynuly atyndaǵy Til bilimi institýty direktorynyń orynbasary Ermuhamet Maralbek.
Shaǵyn saiabaq «Til saraiy» ǵimaratynyń aýlasynda ornalasqan. Alash ardaqtysynyń esimin ulyqtaýǵa kelgen ǵalymdar men til janashyrlary qylqan japyraqtylar jáne jemis aǵashtaryn otyrǵyzyp, Jetisýdyń bas qalasyn jasyl jelekke ainaldyrýǵa óz úlesterin qosty.
Jalpy, biyl Ahmet Baitursynulynyń mereitoiy halyqaralyq deńgeide atalyp ótedi. Birneshe memlekette ǵylymi-konferentsiialar uiymdastyrylyp, qalamger shyǵarmalary men eńbekteri baspadan qaita jaryqqa shyǵarylmaq.
