26 eldiń 250-den astam kompaniiasy AHQO qyzmetin paidalanady. Bul týraly «Astana» halyqaralyq qarjy ortalyǵynyń basqarýshysy Qairat Kelimbetova aitty, dep habarlaidy QazAqparat.
«Bizde 26 memlekettiń 250-den astam kompaniiasy tirkeldi. Olar sapasy men sany jaǵynan ártúrli. Iri kompaniialar, álemdik kommertsiialyq bankter bar. Aralarynda jańa tehnologiialary endi qoldanyp júrgender kezdesedi. Biraq biz 10 jyl ishinde kompaniialar sanynyn 1000-ǵa jetkizýdi kózdep otyrmyz», - dedi Q.Kelimbetov Almatydaǵy qarjygerler forýmynda.
«Halyqaralyq qarjy ortalyǵy aiasynda, investorlar talabyna jaýap beretin platformanyń birneshe deńgeileri bar. Birinshiden, bul quqyqtyq alań. TMD elderi arasynda biz jeke quqyqtyń qaǵidattary men normalaryna negizdelgen jeke kommertsiialyq, kelisimsharttyq zańdy qoldanatyn jalǵyz elmiz.
Ekinshi baǵyt - rettegish. Biz ózimizdiń retteýshimizdi qurdyq. Bul qarjy institýttaryn tirkeýge jáne qarjylyq litsenziia berýge múmkindik beredi.
Quqyqtyq ortadan keiin biz usynatyn óte mańyzdy deńgei - qarjylyq platforma. Sizder amerikalyq kompaniiamen birlesken jańa birjanyń qurylǵanyn bilesiz. Biz álemdegi ekinshi birjamyz jáne óz tehnologiiamyzdy belsendi túrde taratýdamyz. Bul mańyzdy qadam boldy, óitkeni kapital naryǵyn qaita bastaý úshin bizge banktik nesielendirý ǵana emes, sonymen qatar kapital naryǵynda qarjylandyrýdyń jańa quraly qajet», - dep tolyqtyrdy Kelimbetov.
Sonymen qatar, ol túrli investitsiialyq qorlarǵa litsenziia beriletindigin atap ótti. Jýyrda qazaqstandyq jeke investitsiialar qory quryldy. Búgingi tańda jarǵylyq kapitalda 70 milliard teńge bar.
«Búgin biz platformamyzdyń birneshe deńgeiin biriktirgimiz keledi. Ol qarjylyq, zańdyq, tehnologiialyq bólim bul bizge alǵa jyljý quqyǵyn beredi», - dedi AHQO basqarýshysy.
Aita ketý kerek, Almatyda AHQO halyqaralyq investorlar aptalyǵy ótip jatyr. Oǵan «Astana» halyqaralyq qarjy ortalyǵy (AHQO), memlekettik organdar, sonymen qatar Almaty qalasynyń isker jáne akademiialyq orta ókilderi qatysýda. Buǵan deiin forým Túrkistanda ótken bolatyn.
