AHQO-nyń táýelsiz retteýshisi Qarjylyq qyzmetter kórsetýdi retteý jónindegi komiteti (AFSA) Caqtandyrýdy qadaǵalaý jónindegi halyqaralyq assotsiiasynyń (IAIS) Kópjaqty ózara túsinistik týraly memorandýmyna qol qoidy, dep habarlaidy "Ult aqparat".
IAIS - álemdegi barlyq elderdiń saqtandyrý qyzmetin qadaǵalaý men retteý jónindegi ulttyq organdardy biriktiretin halyqaralyq uiym.
IAIS Atqarý komitetiniń tóraǵasy Viki Saportanyń aitýynsha , k ópjaqty túsinistik týraly memorandým daǵdarys kezeńinde ǵana emes, sonymen qatar kúndelikti qadaǵalaý da mańyzdy retteýshi qural bolyp tabylady. Bundai yntymaqtastyq qaýipsiz jáne ornyqty saqtandyrý naryqtarynyń damýyna yqpal etedi.
Bul kelisim AFSA-ǵa saqtandyrý kompaniialaryn transshekaralyq qadaǵalaý salasynda álemniń 74 retteýshisimen yntymaqtastyq ornatýǵa múmkindik bermek. Memorandýmnyń 75 qatysýshysy álemdik saqtandyrý syilyqaqylarynyń jalpy kóleminiń shamamen 76% quraidy.
«Biz IAIS kópjaqty ózara túsinistik týraly memorandýmyna qol qoiǵanymyzǵa qýanyshtymyz. Bul kelisim bizge saqtandyrý kompaniialaryn transshekaralyq qadaǵalaý salasyndaǵy basqa retteýshilermen yntymaqtastyqty kúsheitýge múmkindik beredi. Bul AHQO-da tiimdi qadaǵalaýdy jáne tutynýshylardyń quqyqtaryn qorǵaýdy damytý úshin qajet», - dedi AHQO-nyń qarjylyq qyzmetter kórsetýdi retteý jónindegi komiteti (AFSA) bas direktorynyń mindetin atqarýshy Muhtar Bóbeev.
