QR Úkimetiniń Qaýlysymen Ahmetova Aqerke Estaiqyzy ádilet vitse-ministri qyzmetine taǵaiyndaldy. Bul týraly QR Premer-Ministriniń baspasóz qyzmeti habarlaidy.
Aqerke Ahmetova 1975 jyly Almaty qalasynda týǵan. Sh. Ýálihanov atyndaǵy Kókshetaý pedagogikalyq institýtyn, E.A. Bóketov atyndaǵy Qaraǵandy memlekettik ýniversitetin, Kókshetaý ýniversitetin, QR Prezidenti janyndaǵy Memlekettik basqarý akademiiasyn, Bolashaq baǵdarlamasy boiynsha Ulybritaniianyń Sheffield ýniversitetin bitirgen.
Eńbek jolyn 1991 jyly bastaǵan. Túrli jyldary kommertsiialyq salada jumys istedi.
2000 jyldan bastap QR Ádilet ministrliginiń qurylymynda jumys isteidi. Bas maman, halyqaralyq kelisimsharttar jobalaryn saraptaý bóliminiń basshysy, Departament direktorynyń orynbasary qyzmetterin atqarǵan.
2015–2017 jyldary — QR Ádilet ministrliginiń Halyqaralyq quqyq jáne yntymaqtastyq departamentiniń direktory.
2018 jylǵy naýryzdan qazirgi tańǵa deiin QR Ádilet ministrliginiń Memlekettik múlik quqyǵyn qorǵaý departamentiniń direktory laýazymyn atqarǵan.
