Telearnalardyń aqparattyq saiasatynyń qazirgi jai-kúii qandai? Jekemenshik mediamen ózara is-qimyl úshin qandai jumys júrgizilip jatyr? Bul saýaldarǵa búgin QR Aqparat jáne qoǵamdyq damý ministri Aida Balaeva prezidenttik kadrlyq rezervke kirgen jastarmen Zoom tuǵyrnamasynda onlain rejimdegi kezdesý barysynda aityp berdi, dep habarlaidy QazAqparat.
Kezdesý barysynda B2C consulting group basqarýshy seriktesi Aleksandr Danilov ministrden qazirgi aqparattyq saiasattyń jai-kúiin surady.
«Aqparattyq saiasat turǵysynda biz qalai qarai jyljýymyz kerek, kózqarasyńyz qandai? Jeke mediamen jumys qalai bolmaq?», - dedi ol.
Osy oraida Aqparat jáne qoǵamdyq damý ministrligi eshqandai qysym bolmaýy tiistigin basa aitty.
«Biz turyp jatqan óńirine qaramastan árbir adamǵa elimizde júzege asyrylyp jatqan saiasatty jetkizýge tiispiz. Óńirlerdiń erekshelikteri de bar. Óńirlik telearnalar dál sol erekshelikterdi basty nazarda ustaýǵa baǵyttalǵan. Al jeke BAQ-pen ózara is-qimylǵa qatysty aitar bolsam, ol memlekettik aqparattyq tapsyrys arqyly júzege asyrylady. Búginde ózara is-qimyl formatyn, memlekettik aqparattyq tapsyrys qalypastyrý kriteriileri men ádisin ózgertip jatyrmyz. Jumys toby quryldy. Ol problemaly máselelerge saraptama jinyntyǵyn jasaidy», - dedi Aida Balaeva.
Ministrdiń atap ótýinshe, qazirgi ýaqytta ómirdiń barlyq salasyn keńinen kórsetý úshin memlekettik aqparattyq tapsyrystyń saraptamalyq bóligin keńeitýge qatysty kriteriilerdi ózgertý qarastyrylyp jatyr.
«Ókinishke qarai, búginde aqparattyq tapsyrys jańalyq bloktary arqyly beriledi. Biz árbir sala keńinen kórsetilýi úshin saraptamaǵa basymdyq bermekpiz. Osyǵan bailanysty bizde strategy2050.kz resýrsy bar. Ony da qaita jasaqtadyq. Ol da aqparattyq resýrsqa ainalatyn bolady. Tolyqtai alǵanda, rezervshilerge belsendi yntymaqtastyq usynamyn. Sizder de kreativti rolikter ázirlep, aqparattyq jumystyń jańa formalaryna keńes bere alasyzdar», - dedi ministr.
