Rýxani álemi bai ult qana uly isterdi júzege asyra almaq. Ózin tanyǵan ult qana quldan patshaǵa ainalady. Rýxani órlegen qoǵam ǵana ómirdiń kez kelgen salasynda zor jetistikterge jetpek.
Biz memleket tarapynan rýxani jańǵyrý baǵdarlamasyn uzaq kúttik, qoǵamda osyndai baǵyttaǵy ideologiialyq qujat kópten beri suranysta edi. Elbasynyń búgingi maqalasy - úlken ózgeristerdiń basy dep esepteimin.
Rýxani modernizatsiia - bul kez kelgen adamnyń jan-dúniesinde bolyp jatýǵa tiis úrdis. Zerdesi óspegen, ishki álemi kedei adamnyń qoǵamǵa da, ózine de bereri az. Sanamyzdy ózgertpei ulttyq sapamyzdy arttyra almaimyz. Jańa kózqaras, jańa tynys, jańa armandar kerek bizge.
Maqalada kórsetilgen baǵyttar shyn máninde jáne tiianaqty júzege assa, bizdiń ulttyń jańa bir beleske shyǵary anyq. Al, latinitsaǵa kóshý - ult ómirindegi betburysty oqiǵa. Latinitsa arqyly biz álemdik aqparat keńistigine kirip qana qoimaimyz, biz eń aldymen orystyń ideologiialyq qursaýynan qutylar edik.
Aqberen Elgezektiń feisbýktaǵy jazbasynan
