Foto: Instagram/akansatayev
Tanymal rejisser Aqan Sataevtyń qyzy Aiisha Instagram-paraqshasynda ata-anasynyń ajyrasýy týraly pikir bildirdi. Aita keteiik, óner iesi eks-jary Nazina Baqaevamen eki jyl buryn ajyrasqan edi, - dep habarlaidy Massaget.kz.
"Ata-anamnyń ajyrasqany týraly. Men kóp nárseni baqylap, taldadym. Endi ony sizdermen bóliskim keledi. Bizdi - balalardy, báriniń qataryna qospańdar. Men ata-anasynyń ajyrasýyn bastan ótkergen basqa balalar týraly jaza almaimyn. Men ózimniń jeke pikirimdi jáne tájiribemdi bóliskim keledi. Ata-anamnyń ajyrasaiyn dep jatqanyn alǵash estigenderdiń biri retinde, ata-anam - aqyl toqtatqan, dana adamdar, olar ydys syndyratyn basqalary siiaqty emes, áńgimelesip, máseleni sheshe alady. Men olardy úlgi tutamyn. Olar meni qalai qoldaidy, men de olardy solai qoldaýǵa daiynmyn. Men olardy baqytty etetin kez kelgen tańdaýdy qoldaimyn. Bul meni de, meniń tańdaýyma da bailanysty", - dep jazǵan ol paraqshasynda.
Sondai-aq, Aiisha Satai ata-anasy ajyrasqannan keiin otbasy músheleriniń ara qatynasy qandai ekenin aitty.
"Bir qýantarlyǵy, bizge ákeni ne anany tańdaý qajet bolmady. Biz dospyz, birge ýaqyt ótkizemiz, áńgimelesemiz, bala kezimizdegidei bir-birimizdi qurmetteimiz. Ata-ananyń ajyrasýy balalardyń psihologiiasyna keri áserin tigizedi, men qoǵamnyń qamqorlyǵy men ýaiymyn túsinemin. Biraq bári adamdarǵa, ajyrasý protsesine bailanysty", - dep jazǵan ol.
