«Tomiris» filminiń rejisseri Aqan Sataev týyndyny túsirerde qai tarihshydan keńes alǵanyn aitty, dep habarlaidy QazAqparat.
«Tarih jaǵynan bizdiń keńesshimiz - Almas Baimuhanuly Ordabaev. Ár túsirilim kúninde ol tarihshy bizdiń qasymyzda boldy. Ol kisilersiz biz bir qadam da jasamaimyz», - dedi Aqan Sataev OKQ-da ótken baspasóz máslihatynda.
Rejisserdiń aitýynsha, «Tomiris» filminiń stsenariiine Áliia Nazarbaevanyń da qatysy bar.
«Timýr Jaqsylyqov ekeýi stsenariidiń ideiasyn basynan bastap aitty. Sonymen qatar, aita keteiin: filmde taǵy bir jarqyn tulǵa bar – ol Kir patsha. Men ony sol zamannyń uly tulǵalarynyń biri dep esepteimin. Biz bul personajǵa óte zor qurmetpen qaradyq. Sondyqtan irandyq kórermender bizdiń kartinany kórse – asa bir ýáj bola qoimaidy. Sebebi bur jerde suraqty Gerodotqa qoiý kerek. Bul – sol tulǵanyń aitqany. Álemdegi halyqtardyń 90 paiyzy bul tarihty solai qabyldaidy», - dedi Aqan Sataev.
