Ǵylym jáne joǵary bilim ministri laýazymyna taǵaiyndalǵan Saiasat Nurbek ministr laýazymyna óziniń quzireti týraly suraqtarǵa jaýap berdi, dep habarlaidy QazAqparat agenttigi.
«Áleýmettik jelide sizge qatysty biraz syni pikir aitylyp jatyr. Ózi birde-bir ǵylymi jumys jazbaǵan adam qalai ǵylym salasyn basqarady degen pikir bar. Ózińizdi osy qyzmetti, osy laýazymdy atqarýǵa laiyqtymyn dep sanaisyz ba?», - dep suraq qoidy tilshiler Úkimettiń kýlýarynda.
«Birinshiden, meniń birneshe monogarfiialarym bar, ǵylymi jýrnaldarda sońǵy 4-5 jylda jariialanǵan maqalalarym bar. Olardy asa qatty jarnamalamaǵan edim, biraq endi belsendi jariialaityn bolamyn. «Zertteýshiler» sál qazbalap kórýi kerek», - dep jaýap berdi Saiasat Nurbek.
Sonymen birge, Ǵylym ministri óziniń bul qyzmetke laiyqty, laiyqty emes ekenin saiasi basshylyq baǵalaitynyn aitty.
«Ekinshiden, iá, men akademik emespin, rektor da bolǵan joqpyn. Bir jaǵynan ol da durys shyǵar. Nege deseńiz, qazirgi ministrliktiń negizi maqsaty – júieli túrde ǵylym men joǵary bilim salasyn jetildirý. Men el aǵalarymen tikelei qyzmette bolǵan joqpyn, beitarap, obektivti túrde júieli, ǵylymi jáne tehnikalyq saiasatty engizýge jetkilikti quziretim men bilimim bar dep sanaimyn», - dedi Saiasat Nurbek.
