«Aq jol» demokratiialyq partiiasynyń tóraǵasy Azat Perýashev Qazaqstan halqyn sátti ótken sailaýmen quttyqtady, dep habarlaidy "Ult aqparat" «Habar 24»-ke silteme jasap.
«Aq jol» partiiasynyń tóraǵasy saiasi uiymdy qoldaǵan otandastaryna alǵys bildirdi. Aitýynsha, biylǵy naýqan qaýipti indetpen tuspa-tus keldi. Soǵan qaramastan barlyq sanitarlyq talapy saqtai otyryp, sailaý uiymdastyryldy. Bul tájiribe endi aldaǵy ýaqytta kádege jarap, elimizdiń damýyna septigin tigizedi dep senim bildirdi partiia tóraǵasy.
«Menińshe, bizdiń partiialarymyz, bizdiń sailaýshylarymyz ózderi úshin óte jaqsy tájiribe jinady. Ol tájiribe ary qarai da elimizdiń damýyna, elimizdiń demokratiialandyrýyna óte paidaly, ózekti bolady dep oilaimyn. Soǵan senimdimiz jáne de men barsha «Aq jol» partiiasyna daýys bergenderge alǵys bildirgim keledi. Biz partiiamyzǵa kórsetken senimdi aqtaýǵa tyrysamyz», - dedi Azat Perýashev.
