Qazaqstannyń «Aq jol» demokratiialyq partiiasy Respýblikalyq sailaýaldy shtabynyń tanystyrylymy ótti, dep habarlaidy partiianyń baspasóz qyzmetinen.
Aita keteiik, 2020 jyldyń 3 qarashasynda respýblikalyq jáne partiianyń barlyq filialdarynda osyndai aimaqtyq shtabtar qurylǵan bolatyn. Respýblikalyq shtabtyń basshysy - Azat Perýashev, Bolat Ótepbaev pen Aigúl Jumabaeva orynbasarlary bolyp taǵaiyndaldy. Shtabqa ortalyq apparattyń barlyq jaýapty qyzmetkerleri kirdi. Sailaý aldyndaǵy quryltaidan keiin shtab quramyna partiialyq tizimdegi kandidattar da engizildi.
Otyrys barysynda Azat Perýashev shtabtyń qazirgi uiymdastyrýshylyq jumysy týraly aityp berdi. Osy aralyqta BAQ-pen kelisim-sharttar jasalyp, úgit-nasihat materialdary basylyp, el óńirlerinde 317 banner ornatylǵan.
«Is-sharalardyń jelilik kestesi epidemiologiialyq jaǵdaiǵa bailanysty apta saiyn jańartylyp, túzetilip otyrady. Qazirgi ýaqytta senimdi tulǵalardyń tizimin tirkeý boiynsha belsendi jumys júrgizilýde, keshe shtab osy másele boiynsha keńes ótkizdi», - dep atap ótti ol.
Azat Perýashev áriptesterin úgit-nasihat sharalaryn júrgizý kezinde bas sanitarlyq dárigerdiń barlyq nusqaýlaryn jáne sailaý týraly zańdardy múltiksiz saqtaýǵa shaqyrdy.
