Foto: Getty Images
AQSh prezidenti Djo Baiden ákimshiligi Aq úi qyzmetkerleriniń jyldyq tabysy týraly aqparatty ashyp, Kongresske barlyq 474 qyzmetkerdiń tizimin joldady. Bul týraly Fox Business jazdy, dep habarlaidy Massaget.kz portaly.
Qyzmetkerlerge jylyna 0 dollardan 180 000 aralyǵynda jalaqy tólenedi, al kópshilik jumysshynyń jalaqysy jylyna 100 000 dollardan asady.
24 qyzmetker eń joǵary jyldyq jalaqy alady. Tizimde Aq úi apparatynyń basshysy Ron Klein, Aq úidiń baspasóz hatshysy Karin Jan-Per, ishki saiasat jónindegi keńesshi Siýzan Rais jáne basqa da kóptegen zań jáne saiasi keńesshiler bar.
Sondai-aq, Aq úide 16 qyzmetker bar, olardyń jalaqysy 0 dollar. Olardyń qatarynda Baidenniń immigratsiia jónindegi aǵa keńesshisi Ramzi Kassem jáne onyń ekonomikalyq saiasat jónindegi arnaiy keńesshisi Djastin Levitt bar.
Jalaqy tólenbeitin jumysshylardy eseptemegende, Aq úide eń tómengi jalaqy 48 000 dollardy quraidy, bul 12 qyzmetkerge tólenetin soma.
Djo Baidenniń ózi Aq úi qyzmetkeriniń tiziminde joq. Ol jylyna 400 000 dollar alady. Bul jalaqyǵa 50 000 dollarlyq jalpy shyǵyn nemese 100 000 dollarlyq jol júrý shyǵyny kirmeidi.
Aita keteiik, 1995 jyldan beri Aq úi Kongresske jyl saiynǵy esebinde óz qyzmetkerleriniń jalaqysyn ashyp kórsetýge mindetti.
