Aq úidiń resmi ókili Shon Spaiser NATO-nyń Briýsseldegi shtab-páterinde AQSh prezidenti Donald Tramp pen Chernogoriia premer-ministri Dýshko Markovich arasynda bolǵan jaǵdaiǵa bailanysty málimdeme jasady, - dep habarlaidy RIA Novosti.
AQSh prezidenti Donald Tramp Briýsseldegi NATO-nyń jańa shtab-páterin qaraý kezinde aldyńǵy qatarǵa shyǵý úshin aldynda turǵan Chernogoriianyń premer-ministri Dýshko Markovichti iterip jiberdi.
Twitter jelisinde jariialanǵan videoda Dýshko Markovichtiń Amerika prezidentiniń qylyǵyna tańyrqap qalǵany baiqalady. Tramptyń bul qylyǵyna jeli paidalanýshylary narazy bolyp otyr.
Spaiser sol oqiǵanyń búge-shúgesine deiin aityp jatýdan bas tartqan. "Men ol videony kórmedim", - dedi ol. Sonymen qatar AQSh prezidenti baspasóz qyzmetiniń basshysy NATO-ǵa múshe elderdiń kóshbasshylarynyń júrý, turý erejeleri bar sol sebepti de Tramp osy syzbaǵa sai júrip otyrǵan bolýy múmkin ekenin aitty.
Eske salaiyq, Briýsseldegi NATO-nyń shtab-páterinde osy uiymǵa múshe elderdiń kezdesýi ótip jatyr. Onda AQSh-tyń lańkestikpen kúres boiynsha alianstyń qorǵanys shyǵyndary men kúresin kúsheitý talaptary talqylanady.
