Almaty zoobaǵynda búgin Poliarlyq aiý kúni atalyp ótti, dep habarlaidy QazAqparat.
Almaty zoobaǵynda Alkor atty jalǵyz aq aiý bar. Merekege orai kútýshiler oǵan jemis, balyq, et qosylǵan tort ázirlep berdi.
Byltyr Alkor 30 jasqa tolǵan edi. Bul janýar 1989 jyly Reseidiń Kaliningrad zoobaǵynda týǵan edi. Aq qonjyq Almaty zoobaǵyna tuńǵysh ret 1990 jyly jetkizilgen bolatyn.
2017 jyly zoobaqty qaita jańǵyrtý jobasy aiasynda Alkor álemdik standarttarǵa sai tory joq volerge kóshirildi.
Onyń qonjyǵy Ýmka qazir cheh zoobaǵynda turyp jatyr.
Aita ketý kerek, poliarlyq aiýlar zoobaqta 40 jylǵa jýyq ómir súredi. Al jabaiy tabiǵat aiasynda 20-30 jas ómir súredi.
Jyl saiyn 27 aqpanda dúniejúzi Poliarlyq aiý kúnin atap ótedi (International Polar Bear Day).
Ǵalymdardyń zertteýinshe, álemde qazir 20-25 myń aq aiý qalǵan. Olardyń sanynyń qysqarýyna qazir eń bastysy muzdyń jyldam erýi áser etýde.
Eger jer betiniń jahandyq jylynýy osy qarqynmen júre beretin bolsa 2050 jylǵa taman álemde 3/1-i ǵana qalýy múmkin.
Sonymen qatar, olarǵa munai ken oryndaryn igerý jumystary qaýip tóndirip otyr.
2008 jyly mamyrda AQSh aq aiýdy Qyzyl kitapqa engizdi.
