Air Astana áýe kompaniiasy Nur-Sultan – Almaty baǵyty boiynsha ushqan KS 622 reisiniń ushaǵy elorda áýejaiyna qaitýyna ne sebep bolǵanyn aitty.
Áýe kompaniiasynyń baspasóz qyzmeti usynǵan derek boiynsha, Airbus A321 bortynda qozǵaltqyshtyń áýede iske qosý klapanynyń biri isten shyqqany týraly signal qosylǵan, dep habarlaidy Sputnik Qazaqstan.
"Osy signaldy joiý úshin ekipaj nusqaýlyqqa sáikes áreket etip, jeldetý júiesine arnalǵan aýa toltyrý qyzmetin sóndirdi. Ushaqty tómendete bastaǵannan keiin ekipaj qosymsha tartqysh qondyrǵy men jeldetý júiesine arnalǵan aýa jinaýdyń qosymsha qyzmetin qosty", - dep habarlady kompaniiada.
Air Astana ushaq tómendegen kezde salonda germetikaǵa qaýip tóndiretin jaǵdai bolmaǵanyn jáne ottegi maksalaryn qoldaný qajettiligi týyndamaǵanyn aitty.
Ekipaj jolaýshylarǵa Nur-Sultandaǵy áýejaiǵa qaita oralatyny týraly eskertken. Qoný shtattyq rejimde júrgizilgen.
Eske salsaq, áýe kemesi Nur-Sultan qalasynyń áýejaiyna tańǵy 08:32-de sátti qondy. Bortta 158 jolaýshy men ekipaj músheleri bolǵan. Jolaýshylar saǵat 12:15-tegi basqa ushaqpen ushyp ketti.
Osy fakti boiynsha Indýstriia jáne infraqurylymdyq damý ministrligi aviatsiialyq oqiǵalardy tergeý basqarmasy tergeý júrgizetin bolady.
