Air Astana kompaniiasy 31 mamyrǵa deiin «Almaty-Maldiv» baǵytyndaǵy reisterdi toqtatqanyn málim etti, dep habarlaidy "Ult aqparat".
«17, 19 jáne 24 mamyrda Air Astana Maldivtegi jolaýshylar úshin repatriatsiialyq reister uiymdastyrady. KS586 reisi jergilikti ýaqyt boiynsha saǵat 19:35-te Maleden ushyp shyǵyp, Almatyǵa kelesi kúni saǵat 03:05-te qonady. QR Bas memlekettik sanitarlyq dárigeriniń qaýlysyna sáikes jolaýshylar Almatyǵa kelgennen keiin 14 kúndik karantinnen ótýi kerek», - dep jazady áýe kompaniiasynyń baspasóz qyzmeti.
Aldyn ala satyp alǵan bileti kúiip ketken kompaniia klientteri bilet qunyn tolyqtai qaitarýǵa nemese basqa kúnge aýystyrýǵa quqyly.
«Kúshi joiylǵan reisterdiń jolaýshylary aviabilettiń qunyn satyp alǵan jeri boiynsha tolyq qaitara alady nemese 2021 jylǵy qazanǵa deiin basqa ashyq kúnderge aqysyz bilet brondaýǵa bolady. Qosymsha aqparat alý úshin biletti satyp alý ornyna nemese brondaý jáne aqparat ortalyǵyna +7 727 244 4477 / +7 702 702 4477 nómiri boiynsha habarlasý kerek», - deidi áýe kompaniiasynyń ókilderi.
Eske salsaq, keshe QR Bas memlekettik sanitar dárigeri Erlan Qiiasov «Qazaqstanǵa Maldiv araldarynan koronavirýs infektsiiasy kelýiniń aldyn alý sharalaryn kúsheitý týraly» jańa qaýlyǵa qol qoiǵan bolatyn.
