Air Astana áýekompaniiasy Almatydan Shymkentke belgilengen ýaqyttan 15 saǵatqa kesh ushqan Fly Arystan reisiniń keshigýine bailanysty jazalandy. Bul týraly Indýstriia jáne infraqurylymdyq damý ministrligi Azamattyq aviatsiia komitetiniń (AAK) basshysy Talǵat Lastaev málimdedi, - dep habarlaidy Tengrinews.kz.
Lastaev qazirgi ýaqytta AAK Qazaqstannyń Aviatsiia ákimshiligimen birlesip reisterdiń keshigýi jáne jolaýshylar shaǵymyna bailanysty tekserýdi jalǵastyryp jatqanyn aitty.
"Tergeý barysynda 5 maýsymda Air Astana kompaniialar tobyna kiretin Fly Arystan áýetasymaldaýshysynyń Almaty – Shymkent baǵyty boiynsha KS-7105 reisi 15 saǵat 10 minýtqa keshigip, ushqany anyqtaldy.
Ushýdy kútý kezinde reis jolaýshylaryna "Áýe keńistigin paidalaný jáne aviatsiia qyzmeti týraly" Zańnyń 86-baby 1-bóliginde kózdelgen qyzmetter, atap aitqanda, qonaqúide ornalastyrý qyzmetteri durys kórsetilmegen", - dedi Lastaev.
Onyń aitýynsha, bul úshin 28 shildede áýekompaniiaǵa qatysty ÁQBtK-niń 567-baby 2-bóligi boiynsha ákimshilik quqyq buzýshylyq týraly hattama jasalyp, oǵan sáikes áýekompaniiaǵa 1000 AEK kóleminde aiyppul salynǵan, bul -3 million 63 myń teńge.
Bul - Air Astana-ǵa 2022 jyly salynǵan úshinshi aiyppul. Jalpy biyl reistiń keshigýi kezinde jolaýshylar quqyǵyn buzǵany úshin kompaniia jalpy somasy 9,189 million teńgege ákimshilik jaýapkershilikke tartylǵan.
"Qazirgi ýaqytta reistiń keshigýi jáne jolaýshylar quqyǵyn buzý faktileri boiynsha tekserý júrgizilip jatyr, eger quqyqbuzýshylyq faktileri anyqtalsa, tasymaldaýshylar qoldanystaǵy zańnama boiynsha jaýapkershilikke tartylady", - dep ýáde berdi Lastaev.
