Foto: ashyq derekkóz
QR Mádeniet jáne aqparat ministri Aida Balaeva Buqaralyq aqparat quraldary qyzmetkerleri kúninde áriptesterin quttyqtap, jýrnalistikanyń qoǵamdaǵy erekshe róline toqtaldy, dep habarlaidy Ult.kz.
«Jýrnalisterdiń arqasynda biz kúndelikti jańalyqtardan habardar bolyp, qoǵamdyq máselelerdiń sheshimin birge izdeimiz. Qazirgi medianyń qyzmeti – aqparat aǵynynan mańyzdysyn iriktep, túiindisin túsinýge múmkindik berý. Bul – asa jaýapty missiia» – dep atap ótti ministr.
Aida Balaeva El Prezidenti Qasym-Jomart Toqaevtyń jýrnalistikany memleket pen qoǵam arasyndaǵy altyn kópir dep sipattaǵanyn eske saldy. Ol Memleket basshysynyń bastamalaryn túsindirýde jáne nasihattaýda jýrnalisterdiń erekshe ról atqaratynyn aitty.
Ministr qoǵam BAQ ókilderinen ádildik pen adaldyqty talap etetinin, bul qasietter qazaqstandyq jýrnalisterge tán ekenine senetinin jetkizdi. Ol jýrnalisterge shyǵarmashylyq tabys tilep, adaldyq pen shyndyqty árdaiym basty ustanym etip alýǵa shaqyrdy.
