Foto: QR Mádeniet jáne aqparat ministrligi
Astanadaǵy QR Ulttyq mýzeiinde Mádeniet jáne aqparat ministri Aida Balaevanyń qatysýymen 2024 jylǵy jastarǵa arnalǵan Prezidenttik arnaýly ádebi syilyq iegerlerin marapattaý rásimi ótti, dep habarlaidy Ult.kz.
Shara barysynda «Qazaqstannyń ádebi-tanymdyq panoramasy» jobasy aiasynda jaryq kórgen 20 jas qalamgerdiń kitaptarynyń tusaýkeseri ótti. Joba Qazaqstan Jazýshylar odaǵymen birlesip júzege asyrylǵan.
Ministrlik janyndaǵy «Alqa» jastar ádebi klýbynyń músheleri men ziialy qaýym ókilderi qatysqan jiynda Aida Balaeva:
"Prezidenttik ádebi syilyq – shyǵarmashyl jastardy qoldaýǵa baǵyttalǵan mańyzdy bastama. Bul syilyq jańa týyndylardyń jaryq kórýine múmkindik beredi. Jastar ádebieti qoǵamnyń rýhani damýyna erekshe yqpal etedi. Jas urpaqtyń oi-sanasyn qalyptastyrýda qalamgerlerdiń eńbegi baǵa jetpes", – dedi.
Ádebi syilyq kelesi avtorlarǵa berildi:
- Proza: Esbol Sotsialhan, «2026» shyǵarmasy;
- Poeziia: Jánibek Baqytuly Álimanov, «Boz ushqat» óleńder jinaǵy;
- Dramatýrgiia: Álisher Jeńisuly Aitýar, «Apatai» dramalyq týyndysy;
- Balalar ádebieti: Áset Júkenuly Syzdyqov, «Roket Era» povesi.
Ár nominatsiia boiynsha jeńimpazdarǵa qarjylai qoldaý kórsetildi.
Foto: QR Mádeniet jáne aqparat ministrligi
Sonymen qatar, ministr ádebiettiń damýyna arnalǵan jobalardyń jalǵasatynyn atap ótti. 2025 jyl «Jumysshy mamandyqtary jyly» dep jariialanýyna orai, eńbek taqyrybyndaǵy jańa týyndylardy qoldaý úshin «Erlik pen eńbek dastany» baiqaýy ótetini aityldy.
