فوتو: قر مەدەنيەت جەنە اقپارات مينيسترلٸگٸ
استاناداعى قر ۇلتتىق مۋزەيٸندە مەدەنيەت جەنە اقپارات مينيسترٸ ايدا بالاەۆانىڭ قاتىسۋىمەن 2024 جىلعى جاستارعا ارنالعان پرەزيدەنتتٸك ارناۋلى ەدەبي سىيلىق يەگەرلەرٸن ماراپاتتاۋ رەسٸمٸ ٶتتٸ, دەپ حابارلايدى Ult.kz.
شارا بارىسىندا «قازاقستاننىڭ ەدەبي-تانىمدىق پانوراماسى» جوباسى اياسىندا جارىق كٶرگەن 20 جاس قالامگەردٸڭ كٸتاپتارىنىڭ تۇساۋكەسەرٸ ٶتتٸ. جوبا قازاقستان جازۋشىلار وداعىمەن بٸرلەسٸپ جٷزەگە اسىرىلعان.
مينيسترلٸك جانىنداعى «القا» جاستار ەدەبي كلۋبىنىڭ مٷشەلەرٸ مەن زييالى قاۋىم ٶكٸلدەرٸ قاتىسقان جيىندا ايدا بالاەۆا:
"پرەزيدەنتتٸك ەدەبي سىيلىق – شىعارماشىل جاستاردى قولداۋعا باعىتتالعان ماڭىزدى باستاما. بۇل سىيلىق جاڭا تۋىندىلاردىڭ جارىق كٶرۋٸنە مٷمكٸندٸك بەرەدٸ. جاستار ەدەبيەتٸ قوعامنىڭ رۋحاني دامۋىنا ەرەكشە ىقپال ەتەدٸ. جاس ۇرپاقتىڭ وي-ساناسىن قالىپتاستىرۋدا قالامگەرلەردٸڭ ەڭبەگٸ باعا جەتپەس", – دەدٸ.
ەدەبي سىيلىق كەلەسٸ اۆتورلارعا بەرٸلدٸ:
- پروزا: ەسبول سوتسيالحان, «2026» شىعارماسى;
- پوەزييا: جەنٸبەك باقىتۇلى ەليمانوۆ, «بوز ۇشقات» ٶلەڭدەر جيناعى;
- دراماتۋرگييا: ەليشەر جەڭٸسۇلى ايتۋار, «اپاتاي» درامالىق تۋىندىسى;
- بالالار ەدەبيەتٸ: ەسەت جٷكەنۇلى سىزدىقوۆ, «روكەت ەرا» پوۆەسٸ.
ەر نوميناتسييا بويىنشا جەڭٸمپازدارعا قارجىلاي قولداۋ كٶرسەتٸلدٸ.
فوتو: قر مەدەنيەت جەنە اقپارات مينيسترلٸگٸ
سونىمەن قاتار, مينيستر ەدەبيەتتٸڭ دامۋىنا ارنالعان جوبالاردىڭ جالعاساتىنىن اتاپ ٶتتٸ. 2025 جىل «جۇمىسشى ماماندىقتارى جىلى» دەپ جارييالانۋىنا وراي, ەڭبەك تاقىرىبىنداعى جاڭا تۋىندىلاردى قولداۋ ٷشٸن «ەرلٸك پەن ەڭبەك داستانى» بايقاۋى ٶتەتٸنٸ ايتىلدى.
