Keler jyldan bastap 17 óńirdegi jastar saiasatynyń oryndalýy jańa indeks boiynsha baǵalanady. «Táýelsizdik urpaqtary» atty respýblikalyq jastar forýmynda QR Aqparat jáne qoǵamdyq damý ministri Aida Balaeva osnydai málimet berdi, dep habarlaidy QazAqparat tilshisi.
«2014 jyly qabyldanǵan «Serpin» baǵdarlamasy boiynsha búginge deiin 8 myńǵa jýyq jas oqýyn aiaqtap, onyń ishinde 5 myńnan astam jas jumysqa qabyldandy. Elimizdiń 2010 jyly negizi qalanǵan volonterlik baǵyt búginde 50 myńnan astam múshesi bar, quramyna myńnan astam múshesi bar, quramyna 3,5 myńnan astam uiymnan biriktirgen úlken qoǵamdyq kúshke ainaldy. Búginde áleýmettik, ekologiialyq, mádeniet, meditsina, sport salasynda eriktilerdiń kúshimen 1000-nan astam joba tabysty iske asyp keledi», -degen ministr Nur-Sultan, Almaty jáne Shymkent qalalaryndaǵy jumysshy jastarǵa «Nurly jer» memlekettik baǵdarlamasy aiasynda 2019-21 jyldar aralyǵynda 9 myń páter berilgenin eske saldy.
«Elbasy negizin qalaǵan jastar saiasatyn búginde Memlket basshysy Qasym-Jomart Kemeluly da sabaqtastyqpen jalǵastyryp keledi. Jas ǵalymdardy qoldaý úshin ǵylymi zertteý jobalaryn qarjylandyrý kólemi 9 mlrd teńgege deiin ulǵaidy.
Biyl Memlket basshysy Qasym-Jomart Kemeluly ǵylymi zertteý jobalardyń merzimin 3 jyldan 5 jylǵa deiin uzartý týraly sheshim qabyldady. Bul jas ǵalymdardyń ul jas ǵalymdardyń 35 jasqa deiin ǵylymi zertteýlermen alańsyz ainalysýyna múmkindik beredi.
Biz biyl Memleket basshysynyń tapsyrmasy boiynsha jastardy damytýdyń qazaqstandyq indeksti ádstemesin ázirledik. Keler jyldan bastap indeks sheńberinde barlyq 17 óńirdegi jastar saiasatynyń oryndalýy baǵalanady. Bul barlyq deńgeidegi jobalardyń tiimdiligin anyqtap, naqty problemalayq salalardy aiqyndap, tiisti sheshim qabyldaýǵa múmkindik beredi», - dedi Aida Balaeva.
